YOHANES 3:17 - ALLAH NIHYET MEM TUNGWATU NYA

¹⁷ Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 3:17 ပူးပေါင်းရင်းမြစ်များ

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MATIUS 18:11

Lewo Munggwom Tungwatu Nipmot ttau kwei leu binhyepo teu tungwatu di israwir nya biyai niyaijo nijep biyok!]

LUKAS 19:10

Munggwom Tungwatu Nipmot ttau kwei leu binhyepo nggok yo di israwir nya biteu yok leu sisar biyai niyaijo nijep biyok.”

LUKAS 9:56

Gima ngwig leu lene yuug kikau ug ei minu mien hiter bu.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 10:36

Dicig dimig Da ei leu api cuk Da kwei ei dihyeisi dini. Nggon rino jipai sut Da bipia dihyet wer mpiahi tut Allah tug hon gi dipai ‘Dani ne Munggwom Allah Nipmot rin’ i?

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

YOHANES 17:18

Dipinak yok lene intek gimahap ug ei dihyeisi dini bit leu nok apinak Da kwei ei dihyeisi dini.

YOHANES 17:21

Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

YOHANES 5:36

Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 5:38

Jipwoi nihyet ei jingonti bi lewo jingon jo kep Da di Noni cuk kwei bi.

YOHANES 5:45

Ma jikan bipia Dani rino midipai kep je ei Dicig Noho bei au. Ningat ne Musa di jiba jingon com mipai kep je.

YOHANES 6:29

Yesus buhup “Allah ningon kanti mem je rinok gini. Ma jiba jingon com No di Noni cuk kwei su.”

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:57

Dicig di cuk Da kwei ne niyaijo nijep nibousi ri. Diyaijo tug hon Noni. Nok gima cem tut no di yem dinghui. Noni yai niyaijo nijep tug hon Da.

YOHANES 7:29

noro dikan tut Noni lewo Noni cuk Da bidikwei leu Noni.”

YOHANES 8:11

Noni buhup “Andigpoi e, hi bi.” Yesus pai “Kei Dani cem dipai kep na bi. Ambut hak ug noro ma abon sisar bu au.”]

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.