YOHANES 3:16 - ALLAH NIHYET MEM TUNGWATU NYA

¹⁶ Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 3:16 ပူးပေါင်းရင်းမြစ်များ

NITRITI 22:12

Lene tuhan nihyet tibim ei malaikati dima nuhui him bipai “Ma akes anda leu apmot lene angget noni au. Nogindini dikan tut bipia akuk na biDa ba, apwoi dingona. Lewo angon tak kep apmot gom ngat dima leu Da bi.”

NITRITI 22:2

Lene Allah binut bu bipai “Ma abuwak apmot gom ngat di Ishak di angon ce bi ba, juug ei dihyei Moria. Suar abui noni bit leu nok mindhe-ndhe di abui leu api andig kep hum ei nimbar hum dokti ei mbigdip di midindo binani yo.”

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

MARKUS 12:6

Ba anggur niceu mipinak tou kwei i? Jo tungwagom ngat he ba, tungwa gom ngat dima ne ba anggur niceu nipmot di ningon ngakei nindig bibor ri. Gima rino noni cuk nipmot ei niabiati buug ngat yok lewo kan bipia yo dima mikuk yok binoni.

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 3:15

leu binhyepo bikwop no di ba ningon com Noni miyai niyaijo nijep di jo kikau.

YOHANES 3:18

No di ba ningon com Nipmot tug ndei hukum bi. Noro no di ba ningon com Noni bi tug ndei hukum leu Allah tu lewo ba ningon com Nipmot di nimig gom ngat dima bi.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

ROMA 5:8

Noro Allah ndo ningon ngakei nyeti brei binye tirigi Kristus kes niyaisi ei bimai luei nye di tungwatu di ibon kep sisar!

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

EFESUS 2:4

Noro Allah De ningon ngakei tungwatu nyati di nindig bibor bindei ba, ningon nggriu sut nye bibor!

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

TITUS 3:4

Noro Allah di nok Nibou Ndig teu nye leu sisar biyai niyaijo nijep binye lene ndo nisingat tut tungwatu nyati kin ningon ngakei yokti brei binye.

IBRANI 2:9

Noro ikan tut Yesus kin Nide nisindemti tu! Allah om Yesus wer ei bijehei leu malaikati nya mem nijam di jei bi leu binhyepo Noni mai mem tungwatu dihyeisi dini hagom tug hon Allah de nisingat tut nyeti. Nogindini ikan tut bipia Noni yai Nide nikei-kau-keisi kin ninyeng di jei lewo tug ndei ninghuisi wei kin nimai tu.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 4:19

Ingon ngakei yam lewo Allah ningon ngakei nye bibie.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,