YOHANES 3:13 - ALLAH NIHYET MEM TUNGWATU NYA

¹³ Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

YOHANES 3:13 ပူးပေါင်းရင်းမြစ်များ

NIPINGOK NINGONTI 30:4

Tou rikui ug ei gwamti bijuk hanyen kwei su i? No dima kat hou nimig ei ninda bia bei tu e, he tau minyei binggai hagom ei nide sinsun nindati tu e, he kos tut dihyeisi dini nohon keti nya e? Gino akan tut no dima ninyeng kin nimunggwom bat nya inyeng ne tou yo i?

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 3:12

Dipui sut mun di pek kep mem tungwatu nya ei dihyeisi dini bije noro jingon jo kep Da bi. Gino dipui sut mun di pek kep ei gwamti bu bije lene notou mijingon jo kep i?

YOHANES 3:31

“No di juk kwei leu gwamti ninyeng jei dor njiriek tungwatu nya yahagom. No di ntun tungwatu dihyeisi dini him nggre kin yo dima ba, noni pui sut mun di jo ei dihyeisi dini he. No di juk kwei leu gwamti ninyeng jei dor njiriek tungwatu nya yahagom.

YOHANES 6:33

Lewo roti di Allah yai bije dima ne No di juk kwei leu gwamti biyai niyaijo nijep bak tungwatu dihyeisi dini nya ri.”

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

YOHANES 6:42

Ihig yam ser “No dini ne Yesus di Yusuf nipmot pima rin bi e? Nikan tut nicig-nipmem nya tu! Nggon rino Noni pai sut Nonti bipia juk kwei leu gwamti i?”

YOHANES 6:46

Gi dipai dima ndo bipia hi ngat Dicig bou niyai him tu ne bi. Noro Nongkom di juk kwei leu Allah ngat Nicig bou niyai him tu.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

KISAH 2:34

Daud kui ug ei gwamti dem kep nok Yesus nikui hanyenti bi. Noro noni pai ‘Allah pai bak ditde Tuhan,

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

ROMA 10:6

Noro tut nisinati mem tungwatu nya igyai ningon kwes kin Allah hanyenti tug hon ide niba ningon com Noti ne Allah pai ‘Ma jihig jingon tut no di mikui ug ei gwamti (leu binhyepo buwak Kristus juk hanyen kwei) au.’

KORINTUS GI NIGOM 15:47

Ei nimbie him ngat ne Allah ba dihyei ndung bipai tes Adam nok no di ya bibie. Noro Adam gi nican nitimieisi leu gwamti.

EFESUS 1:23

Mbusyamei dima tereu nok Kristus ningut. Noni bindei ningut dima bikei-kau-kei ba, mun nyeng hagom ei tirima-tirima cem kei-kau-kei tug hon Noni.

NINDAT KEP TUHAN NICUKTI NYA 30:12

jo anai ei mpia-bbed him cem bi. Jihig yam ‘Tou rikui ug ei mpia-bbed him biyai nicukti nya kwei mem je leu binhyepo jimiap nihyet ba, jibit nihyet i?’