YOHANES 3:11 - ALLAH NIHYET MEM TUNGWATU NYA

¹¹ Ma ayok ngon kep bipia nitri tut mun di nikan tut ba, nipai sut mun di ningat bou niyai him tu noro jingon jo kep nihyet di nitri tut bije bi.

YOHANES 3:11 ပူးပေါင်းရင်းမြစ်များ

YESAYA 50:2

Nggon rino Ditde limwa hi buhup dihyet tirigi po dikwei hig yok pima bi i? Nggon rino inghek Da ba, ikan bipia disindem mem gima dikwek yok biditeu yok ba, ingwes ngun bi i? Ningat ne disindem mem gima diba dicukti bindei ba, muk ndigsi sri bipingge bingwig ba, minyei nya cem pingge bingwig dem kep nok iggum ndigsi ba, wau di joti nya hagom mai bimpiei bibor.

YESAYA 53:1

Tungwatu nya ibuhup “Tou riba ningon com mun di tibim ei nyeni itingou nsi i? Tou riningon dor niti tut tuhan ningon kanti tug hon mun di timon nye dini i?

YESAYA 55:4

Dita noni nok nibou ndig cem nibou pran cem bidindo Ditde nisindemti bak ngkiai nya ei dihyeisi dini tug hon noni.

YESAYA 65:2

Ditin ei mem diya um Ditde limwa nya bikwop mmun-njap noro yaham imbuk kep Da ba, ita ibou ei ide mun di mbuk bibor nyati bingkek ndok cem.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 1:11

Noni kwei ei nitimieisi noro Nide mben igya um Noni bi.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 12:49

Lewo ditri tut nihyet bit leu dingon kanti bi. Noro Dicig di pinak Da kwei cuk Da tut mun di dipai hwou.

YOHANES 14:24

No di ningon ngakei Da bi dima bit Ditde ningginausi cem bi. Ningginausi di tibim ei jitingou nsi kwei leu dingon kanti bi noro kwei leu Dicig di cuk Da kwei ningon kanti.

YOHANES 3:12

Dipui sut mun di pek kep mem tungwatu nya ei dihyeisi dini bije noro jingon jo kep Da bi. Gino dipui sut mun di pek kep ei gwamti bu bije lene notou mijingon jo kep i?

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 5:43

Dikwei sut dicig de nisindemti noro jikou sut Da. Noro gino hiter kwei sut nide nisindemti ne jiya um noni.

YOHANES 7:16

Yesus buhup “Mun di tibim ei duhui him kwei leu dingon kanti bi noro kwei leu Allah di cuk Da kwei ningon kanti.

YOHANES 8:14

Yesus buhup “E bi. Mbro nok gino dimbrap gau Danti lo, dipaisi dima nijit lewo dikan tut dikwei leusi kin duug eisi cem. Noro jikan tut dikwei leusi kin duug eisi bi.

YOHANES 8:26

Dipi bibou dimbrap tut mun nyeng mang bibor di bitut jeni ba, dipai kep je cem. Noro No di cuk Da kwei ningon sren-srau. Ditri tut nihyet di Noni sok ei Da dip hanyen bak tungwatu dihyeisi dini.”

YOHANES 8:38

Ditri tut mun di Dicig ndo biDa noro jeni rino jiyai midyai bit leu nok jicig nicuk jeti.”

KISAH 22:18

bidingat lo, Tuhan ya ei doho bei bipai ‘Abrim amig ba, anang leu minu ndig Yerusalem haninyai lewo timiei minu ndig dini ingon jo kep ahyet di atri tut Da biyok bi.’

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.