YOHANES 3:10 - ALLAH NIHYET MEM TUNGWATU NYA

¹⁰ Yesus hig ser noni “Nani ne guru di ninyeng jei ei mben Israel igyai him rin noro akan tut mun dini yok bi e?

YOHANES 3:10 ပူးပေါင်းရင်းမြစ်များ

NIBOHON MBEN ISRAEL GI NIGOM 29:19

Abindei ba, dipmot Salomo miba ningon di joi bibor bita nibou ei midyai diniti bibit Ade nicukti nya hagom leu binhyepo ba nimbumbati di ditin ei su nya bingot Ig nibikuk no bak Nani eisi.”

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

MAZMUR 73:1

Doia Asaf. Igbit ri! Allah ningon singat tut Nide limwa Israel kin yo di ingon kwes kin yo di ingon gom.

YESAYA 56:10

Noni pai “Nibou di ibie tut Ditde limwa nya ne nibou di igyai tu nya ri! Igikan tut mun nyeng hi bi cem. Idem kep nsien di bbwe di tai mun hi bi di bong he bimumpriem. Nibou dima yok ijoi sut gima ibong mai he!

YESAYA 9:16

Mben dima ikes ide niba ningon com Allahti ei ba, ide niyaijoti kinei lene ighyet nya hagom kinei-kinau cem tu. Gima rino tuhan teu pinai pilei hi di ningwes ngun bi ug a. Noni ngondut kibom nya kin moibihi nya cem bi noro gga yok kikau ba, kes hukum ei yok dip yo.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEHEZKIEL 11:19

Midiyai ningon di nijep kin nikan-kan nyenti di nijep biyok. Diyai ingon di ndok di dem kep tig leu yok lene diba ningon di bit dihyetti biluei bu.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

MATIUS 22:29

Yesus buhup “Jipai mun tunggwei nindig bibor lewo jingon dorti tut Allah Nihyet kin Nide nisindemti bi.

LUKAS 2:46

Njap ningai ser lene ittau kep Noni ei Tuhan De Ig. Noni gwam bit guru Puig Yahudi nicukti nya bingig nitingou mem ighyet ba, hig ser yok ninyen cem.

LUKAS 5:17

Njap poi bu tirigi Noni ngginau tungwatu nya lene Farisi nya kin guru Puig Yahudi nicukti nya di ikwei leu bikwop minu mien hagom ei Galilea kin hanjop Yudea kin minu ndig Yerusalem cem igwam bit Noni. Allah de nisindemti mem gima bindei ba, yo di inggwen ikei hanyen jo ei Noni dip.

YOHANES 3:9

Nikodemus hig ser Yesus “Notou mun di apai sut dima mipek kep mem tungwatu nya i?”

KISAH 5:34

Noro andigpoi Gamaliel di Farisi gom ningat rin ei Nikei Puig Yahudi Nya ikieti. Noni ne guru puig timiei rin ba, mben Israel yahagom ijoi sut noni cem. Noni kiju bicuk yo di igya ser nya leu binhyepo ibuwak yo di igya kui Yesus ug ei nisai mbigom ug e.

ROMA 2:28

Lewo no di ntun mben Yahudi him di nijit biyai midut sunat di nijit cem dima ne no di yai ninyeng Yahudi he kin no di yai midut sunat ei ningkek dip he rin bi.

NINDAT KEP TUHAN NICUKTI NYA 10:16

Gima rino hon kep ammani kui ma jibit tuhan nihyet. Lene ma jingkek ndok bu au.

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

KOLOSE 2:11

Jicoi bit midut sunat di nijit tug hon gi jinok gom kin Kristus lene sunat dima noyam kin midut sunat di tungwatu dihyeisi ibon bi. Sunat di ntun Kristus him bindei kwek je leu sisar de nisindemti di pijuk jingonti.