YOHANES 21:25 - ALLAH NIHYET MEM TUNGWATU NYA

²⁵ Ningat ne Yesus yai midyai hiter nya mang bibor bu. Gino hi pas kep tut Nide midyai di yai nya gom-gom sindam lene dikan bipia bit bon dihyei njek dip titut yam bon mpia ttou nsi nok gi dem mem inju srat nya hagom eisi kan bi.

YOHANES 21:25 ပူးပေါင်းရင်းမြစ်များ

MAZMUR 40:5

Yo di iba ingon com tuhan ingon nggei-hi-nggei. Lewo iba yoho rok kwar binjei bit yo di ikuk yok bak kwar nya bi.

MAZMUR 71:15

Miditri tut ayai munti nya di aba angon di sren bibon kin Ade niteu nye leu nimai ndam niyaijo nijepti kikau ei njap jei.

AYUB 26:14

Noro gima yok hagom ne mun di biyai hamem ingonti tut Nide nisindemti ri. Gima ne nahamuisi he di tibim ei nyeni itingou nsi ri. Nyeni ingon di huk niti tut Allah kin Nide nisindemti di nindig bibor poi mien bibor he!”

IBRANI 11:32

Duhuk dihyet kikau e? E bi. Lewo jam ngwig leu da bidibon nituti mem dipui sut Gideon kin Barak kin Simson kin Yefta kin Daud kin Samuel kin nabi nya cem bi.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

MATIUS 11:5

Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”

NIBA NINGON SRIP HUKTI 12:12

Dimunggwom na e, ma ahek tut nanti leu mun nyeng gom. Nipas kep sratti bon ningwig honti bi. Lene nicoi pikor kikausi cem bindei ba, inghuisi wei-wau.

AMOS 7:10

Amazia di nok imam ei minu ndig Betel sok nihyet bak Nibou Ndig Yerobeam di ninyeng tak kep mben Israel bipai “Amos kin ade limwa nya yuhum yam nsi mem na di Andigpoi. Noni ba nihyet di tri tut bikes ningon bak ade limwa nya leu api bindei ba, minu dini timek bingwig.

MATIUS 19:24

Dipai mun nyeng gom kin bu bije bipia krop kei mem unta ningut gom coi kak mup mbrei mihyeti leu gima no di nyeng bibor coi Allah De Dihyei Di Nijep.”

MARKUS 5:16

Yo di ingat mindur dima bou igyai him ipui sut mun di pek kep mem no dima ba, ipui sut mun di cut igkep na nya cem biyok.