YOHANES 21:22 - ALLAH NIHYET MEM TUNGWATU NYA

²² Yesus buhup “Gino dijoi sut bipia no dima niyaijo kikau ug bipek dikwei hanyenti kep lene ma aba angon srip huk munhyet dima au. Noro tut nani ne ma abit Da!”

YOHANES 21:22 ပူးပေါင်းရင်းမြစ်များ

MATIUS 16:24

Lene Yesus pai bak yo di igya kui Noni “Bikwop no di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

MATIUS 24:27

Lewo Munggwom Tungwatu Nipmot nitau hanyenti midem kep nok mpia di kieng leu bei mpia nitausi ba, ninjeng piga kikau ug ei bei mpia nicutti.

MATIUS 24:3

Tirigi Yesus gwam biNongkom ei Nungug Zaitun lene yo di igya kui Noni ikwei hig ser Noni nyahan “Apai igbit binye tut nituti mem mun dima yok hagom tirigi micut igkep nyeti i. Mindei rimibindo tut akwei hanyenti kin njap ningwig honti i?”

MATIUS 24:44

Gima rino jeni cem ma jiyai ngkiem bikwop mmun-njap lewo Munggwom Tungwatu Nipmot mikwei hanyen mem jam dino jiyok jingon mem Noni bi.”

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

MATIUS 8:22

Lene Yesus buhup “Nnaba yo di imai nya mitig ide nimai nya. Noro tut nani ne ma akwei bit Da hak ug.”

MARKUS 9:1

Yesus pai biyok “Ma jiyok ngon kep bipia je di jingat rin ei mpia dini jibihi mijiyai nimai bi bibou jingat Allah Ninyeng Tak Kepti di mikwei sut Nide nisindemti bou jiyai him ug e!”

YOHANES 21:19

(Tug hon nipaisi dima lene Yesus mbot kep tut notou Petrus miba nimaisi bikon Allah ninyeng ei nidipti bu.) Gima ngwig leu api Yesus pai binoni “Abit Da.”

YOHANES 21:21

Petrus ngat no dima lene hig ser Yesus “Tuhan e, notou mem no dima i?”

KORINTUS GI NIGOM 11:26

Bikwop mpe di jiyem roti bijidut ei gi mokti dini ne jibitri tut Tuhan nimaisi kikau ug bipek nikwei hanyenti kep.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

TESALONIKA GI NIGOM 2:19

Ningat ne jibindei ba, niba ningon com je ba, ningon llei sut je bininggei-nggwang tut je mpe dino Tuhan Yesus kwei hanyen ba, yahagom igya ei Noho bei!

YAKOBUS 5:7

Gima rino disut bat jen, ma jibet jingon mem Tuhan nikwei hanyenti. Dem kep nok no di ndim ningan di bet ningon kikau ba, njita len kep. Noni bet ningon mem bed di biang mpia di but kwei kin bed di biang bigeda.

YAKOBUS 5:8

Ma jeni cem jibet jingon ba, jingon nddong cem lewo Tuhan nikwei hanyenti dideu su.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!

NINGAT-HI-NGAT NYA 2:25

Noro suar jikrau kep mun di jinyeng tut kikau bipek dingkwei hanyenti.

NINGAT-HI-NGAT NYA 22:20

No di tri tut nihyet di jo ei srat diniti pai “Igbit ri! Jei bi lene midihwou hanyen!” Igbit ri! Tuhan Yesus e, ma akwei!

NINGAT-HI-NGAT NYA 22:7

Yesus pai “Jimiap e, jei bi lene midihwou hanyen! Bikwop yo di ibit nihyet di jo ei srat diniti ingon nggei-hi-nggei!”

NINGAT-HI-NGAT NYA 3:11

Jei bi ne dihwou! Suar jinyohou mun di jinyeng tut leu binhyepo hi ris jide munkwas di jiyai tug hon jide nibindei cut sisar nisindemti leu je bi.