YOHANES 21:17 - ALLAH NIHYET MEM TUNGWATU NYA

¹⁷ Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 21:17 ပူးပေါင်းရင်းမြစ်များ

SAMUEL GI NICAN 7:20

Bit bon dahap diji bidimbrap bit Na bu kan bi! Akan bidem tut mun di jo ei Ade awak di dani dingonti hagom tu.

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

NIBOHON MBEN ISRAEL GI NIGOM 17:18

Midipai mindei biNa bu i? Mbro nok gino akan bidem tut mun nyeng hagom di bitut Ade awak di dani lo, akon dinyeng tu.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

MAZMUR 17:3

Tirigi ambus dingonti ba, akwei ngig ayai kep da mem mmun lene angat bipia dingon sren-srau. Ditto ei bidanti bipia midiyai mun tunggwei tug hon dihyet di tibim ei duhui him bi.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

NIBWOS-BWOS NYENTI 3:33

Ningon ce tut mem gima sindui sut nye ba, itug ndei ninghuisi wei bi.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MARKUS 14:72

Hammi tirigi pai nok rino hacig yau nimbican ba, Petrus yok ngon kep Yesus nisok kepti pima di pai “Himmun di ariman tirigino hacig yau mbican bigyo lene aom ser Da mbiningai bipia akan tut Da bi ug ri.” Apino noni pim biniyai nggwei kibor.

YOHANES 12:8

Nuhui mbum nya ingat rin bit je kikau noro dingat rin bit je kikau bi.”

YOHANES 13:38

Yesus buhup “Atin ei mem ayai nimai drek dip Da e? Dipai nijit bina bipia ariman nipou tirigi hacig yau bigyo lene aom ser Da mbiningai su.”

YOHANES 14:15

“Gino jingon ngakei Da lene jibindei mbut Ditde nicukti nya.

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

YOHANES 16:30

binikan tut bipia akan bidem tut mun nyeng hagom. Gima rino suar tungwatu nya ihig ser Na tut mun nyeng hi bu bi. Gima rino nyeni ningon jo kep bipia akwei leu Allah.”

YOHANES 18:27

Lene Petrus om ser nihyet nghwak him hanyen bipai “E bi.” Hammi tirigi om ser nok rino hacig yau.

YOHANES 18:4

Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”

YOHANES 21:18

Dipai nijit bina bipia tirigi apilei yo ne akri bang kep antig bou ba, ambut ug ei mpia tto nsi hi bit leu ajoi sutti. Noro ei nidipti bu tirigi anghim koi su ne mporo asu anda hacem leu api hiter mingot anda bittei na ug ei mpia ttou nsi di ajoi sut bi.”

YOHANES 4:16

Yesus cuk noni “Aug hig ajjep ba, jahacem jikwei.”

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 11:10

Mun dima yok bitimon da mbiningai leu lene kui hanyen ug ei mpia-bbed him bihigom.

KISAH 15:8

Ba, Allah di kan bidem tut mun di jo ei tungwatu ingon bei ndo brei binye bipia Noni singat tut ngkiai nya tirigi Noni bindei ba, Ninnei srek kwei ei yoni cem ingonti bit leu nok Noni srek kwei ei nyeni cem ingonti nipou su.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

EFESUS 4:30

Ma jibindei ba, Allah Ninnei ningon pus tut je au. Lewo Allah ba Ninnei dima bitak buk kep je nok bindo di bindo bipia nyeng tut je binyohou je kikau bibou Njap Nikwek Jeti dem ug e.

YOSUA 22:22

“tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!

PETRUS GI NIGOM 1:6

Mbro nok gino jingon buhun drek dip yo di ibingon je tug hon nisinati mang-mang ba, ihwen bit je mem nijam di jei bi dini lo, ma jingon kei bibor.

PETRUS GI NICAN 3:1

He disut bat di dingon kieti jen, gini ne srat gi nican di dipas bak jeni ri. Dibingon mem gima dibiwin kep jide nikan-kan nyenti di pimbai kei tug hon srat ningat can dini.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.