YOHANES 21:16 - ALLAH NIHYET MEM TUNGWATU NYA

¹⁶ Yesus hig ser noni nimbican bu “Na di Simon di Yona nipmot e, angon ngakei Da e?” Petrus buhup “Tuhan e, igbit ri. Akan tut bipia dingon ngakei Na.” Yesus pai binoni “Ma anyohou Ditde domba nya.”

YOHANES 21:16 ပူးပေါင်းရင်းမြစ်များ

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

MAZMUR 95:7

Lewo Noni ne ide Allah ri. Nyeni ne Nide limwa nya rin ba, Noni nyohou nye bibie tut nye dem kep nok gembala di bie tut nide domba nya. Ma jingig jitingou mem nihyet ei njap di ammani. Noni pai,

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

MATIUS 25:32

Leu api tungwatu dihyeisi dini yahagom midem yam bigya ei nimig him. Lene Noni mikwas yok ei nimpung can bit leu nok gembala di kwas domba nya bigya ter leu kambir nya.

MATIUS 26:72

Lene Petrus om ser nihyet nghwak him hanyen bu beheng ser “Dipai nijit bipia dikan tut No dima bi!”

LUKAS 19:10

Munggwom Tungwatu Nipmot ttau kwei leu binhyepo nggok yo di israwir nya biteu yok leu sisar biyai niyaijo nijep biyok.”

YOHANES 18:17

Misop di ya ser dimbou hui dima hig ser Petrus “Nani cem aya kui Yesus e?” Petrus buhup “Dani ne bi.”

YOHANES 18:25

Simon Petrus no ya niyati hek hum lene nindigsi nya ihig ser noni “Nani cem aya kui No dima e?” Noro Petrus om ser bipai “Dani ne bi.”

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”