YOHANES 21:15 - ALLAH NIHYET MEM TUNGWATU NYA

¹⁵ Tirigi igyem wau nghui bingwig leu lene Yesus hig ser Simon Petrus “Na di Simon di Yona nipmot e, angon ngakei Da nindig dor njiriek nindigsi dini ide ningon ngakei Dati e?” Petrus buhup “Tuhan e, igbit ri. Akan tut bipia dingon ngakei Na.” Yesus pai binoni “Ma anyohou Ditde domba pmot nya.”

YOHANES 21:15 ပူးပေါင်းရင်းမြစ်များ

ROMA 15:1

Gino iba ingon com Tuhan bibor ne ma yoom ingon tut yo di ingon jo kep Yesus bibor bi nya bimpu yok tut mun di buhun tak yok. Ma ita ibou ei mun di bindei ba, nyenti ingon kei bibor he au.

YOHANES GI NIGOM 4:19

Ingon ngakei yam lewo Allah ningon ngakei nye bibie.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

EFESUS 6:24

Handei kon ba, Allah singat tut je dino jiba jide ningon ngakei yamti di ug hon nohonti bi dima bingon ngakei ide Tuhan Yesus Kristus. Nipigo leu dani, Paulus

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YEREMIA 3:15

Lene midita nibou di ibit dihyet nya mem je yo. Yoni iba ningon di ki kin ningon di huk niti bibie tut je.

YEHEZKIEL 34:23

Midita nibou ndig gom di noyam kin Ditde awak di Daud ba, noni ne ide gembala gom ngat di hek tut yok ba, joi bibor ri.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

LUKAS 22:32

Noro Simon e, dingat nadi tindei na leu binhyepo ade niba ningon com Dati cut hacan bi. Tirigi angkwei hanyen ba, aya kui Da lene ma abiwin kep asut bat nya ingonti.”

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

ROMA 14:1

Ma jiya um no di Kresten di ba ningon com Yesus bibor bigyo ba, bikum je ei jide mbusyameisi. Ma jisrep noni drek dip ningon kanti nya au.

MATIUS 16:17

Yesus buhup “Simon di Yona nipmot e, angon nggei-hi-nggei lewo mun di nijit-jau di tibim leu ahui him dima ne tungwatu nya ipingok na tut bi noro Dicig ei gwamti pingok angonti tut.

YEREMIA 23:4

Midita nibou di inyeng tak kep yok binyohou yok. Mpe dima lene ittin ba, idigit cem bu bi. Hi di mipror leu yok cem bi. Da di tuhan disimbot dat tu.”

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

YOHANES 21:12

Yesus pai biyok “Jikwei yem wau nghui dini.” Noro hi di brim ningkek bihig ser Noni “Na tou i?” bi. Lewo yahagom ikan tut bipia Noni ne Tuhan ri.

YOHANES 21:7

No di Yesus ningon kieti pima pai bak Petrus “No dima ne Tuhan ri!” Tirigi Petrus miap bipia No dima ne Tuhan rin lene juk nide sinsun ninda ser ningkek (lewo juk sinsun dima leu no nipou su) bikinyon ei minyeiti.

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

KORINTUS GI NIGOM 8:11

Tug hon nisinati dima lene abindei ba, akinjoi di ningon nddong bi misar drek dip ade ningon nddongti. Noro ningat ne Kristus mai mem noni cem.

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

MARKUS 14:29

Petrus pai bak Yesus “E bi! Mbro nok gino yo di nindigsi dini yok yahagom ikes Na ei lo, dangkom dikes Na ei bi sren!”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

NITRITI 33:13

Noro Yakub buhup “Andigpoi e, nok bi. Akan tut bipia dimunggwom bat nya inghuisi sindem bigyo. Mindhe-ndhe nimien nya sindi idut do ngei ba, bit bon imbut sindem kan bi. Gino dijem yok sindem mem njap nitindur gom lene hagom mimai kak puig sinon.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

SAMUEL GI NICAN 7:20

Bit bon dahap diji bidimbrap bit Na bu kan bi! Akan bidem tut mun di jo ei Ade awak di dani dingonti hagom tu.

YOHANES 13:37

Petrus hig ser Noni hanyen bu “Tuhan e, nggon rino bit bon dibit Na ug ei mpia ttou nsi dima nogindia kan bi i? Ditin ei mem diyai nimai drek dip Na.”

YOHANES 1:42

Leu api noni buwak Simon bikwei ngat Yesus. Yesus ngig niyai kep Simon lene pai bak “Anyeng Simon ba, acig ninyeng Yona. Noro hon kep ammani kui ne ijem anyeng Kefas bu.” (Ninyeng Kefas noyam kin ninyeng Petrus ba, ndo tut nungug tigya.)

MATIUS 26:35

Noro Petrus srep bipai “Mbro nok gino diyai nimai kin Nani lo, doom ser Na bi sren!” Ba, yo di igya kui Yesus nindigsi nya yahagom ipai bram Petrus nipaisi dima.

MATIUS 26:33

Petrus pai bak Yesus “Mbro nok gino nindigsi dini yok yahagom ikes Na ei lo, dangkom dikes Na ei bi sren!”

KISAH 20:29

Dikan tut bipia tirigi dikes je ei bidimbut leu je lene nsien di niten-pos nya mikwei srig jikieti bibon yonti tereu nok domba nya ba, yaham domba di jinyohou yok dima nok ide mun di igyem ug ri.

YEHEZKIEL 46:24

No dima pai bida, “Gini ne mpia di mem awak di igyai midyai ei tuhan De Ig nya ikwen mindhe ninghui di di mem limwa nya ibikuk yok bak tuhan ei niti nya ri.”