YOHANES 20:9 - ALLAH NIHYET MEM TUNGWATU NYA

⁹ Lewo hon kep mpe dima bijug yo di igya kui Yesus ingon kiowi tut nipas kepti ei Allah nihyet bokti tut Yesus nikiju hanyen leu nimai eisi.)

YOHANES 20:9 ပူးပေါင်းရင်းမြစ်များ

MAZMUR 16:10

Leu mporo asindui sut ba, dinnei ug bisrig yo di imai nya ikieti bihigom bi ba, ace tut Ade awak di ningon gom ningut mikroi ei bi.

MAZMUR 22:15

Dinghuisi jet dem kep nok minyei di isiber ug ei dihyeiti. Dinjum tuti nya hagom pis ba, dingon dahat leu dem kep nok lilin ngei di jet bingwig.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

MATIUS 22:29

Yesus buhup “Jipai mun tunggwei nindig bibor lewo jingon dorti tut Allah Nihyet kin Nide nisindemti bi.

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

LUKAS 9:45

Noro yo di igya kui Noni ingon kiowi tut nipaisi dima lewo gima jo nding leu yok leu binhyepo bit bon ingon hukti tut kan bi. Noro ihig ser Yesus tut nipaisi bi lewo ingwes mien tut.

YOHANES 2:22

Yesus kiju hanyen leu nimai eisi ug api yo di igya kui Noni ingon huk niti tut gi pai sut Nonti ningut. Leu api ingon jo kep Allah nihyet bokti kin Yesus nihyet di tibim ei nuhui him cem.

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 2:24

Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

KORINTUS GI NIGOM 15:4

itig ningut leu api Allah win Noni hanyen leu nimai eisi mem njap gi niningai bit leu nok gi ipas ei Allah nihyetti.