YOHANES 20:31 - ALLAH NIHYET MEM TUNGWATU NYA

³¹ Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 20:31 ပူးပေါင်းရင်းမြစ်များ

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

MATIUS 4:3

Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 1:4

Dipas kep tut ayat dini yok hagom leu binhyepo akan tut bipia ningginausi di amiap tut pima ne nijit-jau ri.

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 10:10

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

YOHANES 19:35

No di ngat mun di pek kep dima bou niyai him mbot kep tut bije leu binhyepo jeni cem jingon jo kep. Mun di noni mbot kep tut bije ne mijit-jau rin ba, noni kan tut mungkun bipia mun dima hagom cut igkep Yesus.

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

YOHANES 3:18

No di ba ningon com Nipmot tug ndei hukum bi. Noro no di ba ningon com Noni bi tug ndei hukum leu Allah tu lewo ba ningon com Nipmot di nimig gom ngat dima bi.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 3:16

Disut bat jen, jingat mun di pek kep mem no di nimig lit dini bou jiyai him. Noni yai nisindemti bikei hanyen tirigi ba ningon com Yesus kin Nide nisindemti. Noni kei hanyen ei jahagom joho bei lewo ba ningon com Yesus.

KISAH 8:36

Yo cin dima imbut kak puig sinon biyuug krau minyei utti gom. Andigpoi pai “Angat i, minyei ut rimo! Mindei bu ribindei dino ma atur da ei minyei ut dimati bi i?” [

KISAH 8:37

Lene Filipus buhup “Gino aba angon titut yam bingon jo kep Yesus lene dice tut ba, ayai nitur na ei minyeiti hak ug.” Andigpoi leu minu Etiopia dima pai “Dingon jo kep bipia Yesus Kristus ne Allah Nipmot ri.”]

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

PETRUS GI NIGOM 1:9

Lewo jide niba ningon com Yesus Kristusti ribindei dino jiyai niteu leu sisarti kin niyaijo nijepti.

YOHANES GI NIGOM 4:15

No di pai jit bipia Yesus ne Allah Nipmot rin lene Allah niyaijo nok gom kin noni ba, noni cem niyaijo nok gom kin Allah.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.

NINGAT-HI-NGAT NYA 2:18

“Apas srat dini bak malaikati di buhup tut mbusyamei ei minu ndig Tiatira. Nipas kepti dini kwei leu Allah Nipmot di niyai njeng-jau nok hum njeng ba, nimig mbom kei dem kep ngkimom-tembaga di indig kep hum di bindei ba, pimbai kei.