YOHANES 20:22 - ALLAH NIHYET MEM TUNGWATU NYA

²² Lene Noni hi Ninnei ei yo dip bipai biyok “Ma jiyai Ninnei Gi Kwes ei jingonti.

YOHANES 20:22 ပူးပေါင်းရင်းမြစ်များ

NITRITI 2:7

Mpe dima lene tuhan Allah kam dihyei ndung poi mien ba, op nok tungwatu leu api hi ninnei di bindei niyaijo ei nuhwap nsi apino tungwatu dima yai niyaijo.

AYUB 33:4

Allah de Ninnei pai tes da ba, No Di Sindem Bibor hi ninnei ei dihwap nsi.

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

YEHEZKIEL 37:9

Lene Allah cuk da bu bipai “Na di tungwatu di ayaijo kikau bi e, dipai bina tut hou bipia Da di tuhan Di Dinyeng Jei Bibor dihig hou cut kwei leu dihyei nisurti-nipekti leu api dibihi ninnei ei nimai ngut nya insi leu binhyepo yahagom ikiju ba, igyaijo hanyen.”

YOHANES 14:16

Dahara Dicig leu binhyepo Noni cuk No Di Mpu je hi kin bu. No dima migwam bit je kikau.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 16:7

Noro dipai nijit bije bipia gino dimbut leu je lene dimbutti dima kei bibor mem je. Gino dimbut bi lene No Di Mpu je mikwei gwam bit je bi sren. Noro gino dimbut lene midicuk Noni kwei ei jingonti.

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

YOHANES 20:23

Gino jikos ser tungwatu nya ide sisar lene Allah cem kos ser ide sisar. Gino jikos ser ide sisar bi lene Allah cem kos ser ide sisar bi.”

YOHANES 7:39

Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

KISAH 10:47

“Yo dini igyai Allah Ninnei dem kep gi po nyeni niyai Allah Ninnei nipou su. Tou rima bigen ser yok tut gima itur yok ei minyeiti i?”

KISAH 19:2

Noni hig pus yok “Allah Ninnei srek kwei ei jingonti tirigi jingon jo kep Yesus e?” Yo dima ibuhup “Bigyo. Nimiap tut Allah Ninnei ninghapti bi sren.”

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 2:4

Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

KISAH 4:8

Petrus ba Allah Ninnei De nisindemti bibuhup “Je di nibou kintrorti kin je di Nikei Puig Yahudi Nya e,

KISAH 8:15

Tirigi ikwei krau minu Samaria lene ingat nadi mem yo di sindi ingon jo kep nya leu binhyepo Allah Ninnei srek kwei ei ingonti,

GALATIA 3:2

Ma jibuhup igbit bida. Apo jiyai Allah Ninnei ei jingonti tug hon gi jibit Puig Yahudi niggai serti nya e, he tug hon gi jimiap Nihyet Di Kei leu Allah leu api jingon jo kep Kristus e?