YOHANES 20:17 - ALLAH NIHYET MEM TUNGWATU NYA

¹⁷ Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 20:17 ပူးပေါင်းရင်းမြစ်များ

NIBOU NDIG NYA GI NICAN 4:29

Elisa kiek no bitou kep Gehazi lene cuk noni “Abipbur ba, ayai ditde tom ba, ambut tut ug ei sop dini nide igya! Gino aum tungwatu nya kak puig sinon lene ma apigo yok ba, abuhup ide nipigo nati au. Tirigi aug krau ig bei lene ma asu ditde tom dima nai gau nipmot.”

NIBOU NDIG NYA GI NICAN 7:9

Lene ipai biyam “Ide niyai munti dini kei bi. Mun di kei bibor pek kep mem nye. Gino ikimut yuhui tut lene gini dem tut bi. Handei kon ba, itri tut mun dini yok bak timiei nindigsi nya. Gino ibet ingon mem njap tekti lene jo nibreisi bipia nyeni mitug ndei hukum drek dip. Jikwei ba, nogindini nyeni yahagom yuug pai brei bak nibou pran nya di igya kui nibou ndig.”

MAZMUR 22:22

Ateu da bidingwes ngun leu mindhe singa nya kin sapi banteng di niten-pos dini yok lewo dinghuisi jet.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

MAZMUR 48:14

Jicap ngug tig ba, jiyok jiyai kep tentara nibousi di igya coi nya leu binhyepo jipui sut gima yok hagom bak jide nintun him yamti di bram yam nya bu. Ma jipui biyok,

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

MAZMUR 89:26

Midibindei ba, nide ninyeng tak kep limwati nibresti jo leu Muk Hacan kikau ug bipek Minyei Efrat.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:38

Mpe dima lene Ditde limwa nya rino yoni ba, dinok ide Allah.

YEHEZKIEL 36:28

Mpe dima lene mijibong ser minu di diyai bak jidigup bat-jidigai bat nya. Mijinok Ditde limwa nya lene dinok jide Allah.

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 28:7

Ma jibrim jimig nogindini bijingkwei hanyen lene ma jipai bak yo di igya kui Yesus bipia Noni kiju hanyen leu nimai eisi tu ba, ug ei hanjop Galilea bibie mem yok. Mijingat Noni ei mpia dima. Ma jikan kep dihyet di disok ei je dip tu.”

MARKUS 12:26

Tut yo di imai su nya di ikiju hanyen leu imai eisi ne jikwop Musa nipas kepti tut biei mon di ninjeng di sror di cig-cai noro hum giyem bi dima bi e? Nipas kep ayatti dima tut Allah di pai binoni ‘Dani ne Abraham kin Ishak kin Yakub ide Allah ri.’

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

LUKAS 10:4

Ma jibiang bangdop kin minai kin srop au. Ma jiya ei puig sinon mem jipigo tungwatu nya au.

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 14:2

Dicig de ig bon ninsi mang bibor. Da duug ei mpia ttou nsi dima leu binhyepo ditin ei nghim nsi mem je. Gino dipaisi dini igbit bi lene midipai nok bije bi.

YOHANES 14:28

Jimiap dihyet di dipai bije ‘Dimbut rin noro midikwei ngat je hanyen bu.’ Gino jingon ngakei Dani lene mijingon llei sut gi dingkwei hanyen ndam Dicig lewo Noni ninyeng jei dor njiriek Da.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 17:11

Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 20:27

Leu api Yesus pai bak Tomas “Angat dinda ba, ayok anda pijum eisi lene asu anda ei dikimbu nimuhweisi cemti. Ma ahig angon eisi bu au noro ma angon jo kep!”

YOHANES 7:33

Yesus pai bak tungwatu ningot ndig di ingat rin ei Tuhan De Ig “Digwam bit je jei bi. Leu api dingkwei hanyen ndam No di cuk Da kwei ug ri.

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

KORINTUS GI NICAN 6:18

Dibibon Danti bidinok Jicigya lene jibibon jenti bijinok dipmot bat kin dipmisop bat nya. Gini ne Allah di Sindem Bibor nipreu kep nyeti ri.”

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.