YOHANES 20:15 - ALLAH NIHYET MEM TUNGWATU NYA

¹⁵ Yesus hig ser noni “Sindig e, nggon rino apim i? Anggok ser tou i?” Noro Maria kan bigya no dima ne no di nyohou mitou ninghousi dima ri. Gima rino hig ser noni “Andigpoi e, gino akon Yesus ningut leu mpia dini lene ma apai igbit mpia ttou nsi di akes ningut eisi leu binhyepo duug kon hanyen kwei.”

YOHANES 20:15 ပူးပေါင်းရင်းမြစ်များ

YOHANES 20:13

Malaikati cin dima ihig ser Maria “Sindig e, nggon rino apim i?” Maria buhup “Bihi iket ditde Tuhan ningut tu lo, dikan tut mpia di igyok ningut hanyen eisi bi.”

YOHANES 18:7

Yesus hig singgre yok mbigom kin bu “Jinggok ser tou i?” Ibuhup “Ninggok ser Yesus di nitimieisi leu minu ndig Nazaret.”

YOHANES 1:38

Yesus ngat yo cin di ibit Noni lene hig simber yok “Nggon rino jibit Da i?” Leu api ibuhup “Rabi e, abong ei siritou i?” (Ninyeng rabi noyam kin ninyeng guru.)

MARKUS 16:6

Pinjoi pilei dima pai bak sop nya “Ma jinghuisi mpig sut au. Dikan tut bipia jinggok ser Yesus leu minu ndig Nazaret di ipek ei biei salibti. Ningat rin ei mpia ttou nsi dini bi. Noni kiju hanyen leu nimai eisi tu! Jikwei ngat mpia di ikes ningut eisi rini.

MATIUS 28:5

Malaikat dima pai bak sop nya “Ma jinghuisi mpig sut au! Dikan tut bipia jinggok ser Yesus di ipek ei biei salibti.

DIUN MIMUN 3:2

Sikos tut bipia sikiju bisiya bidem minu ndig cem bidem simpak ndig kin puig nya cem hagom. Singgok singon kieti lo, singat ningat bi.

SAMUEL GI NIGOM 1:16

Ma akan bipia dani ne sop di nibou sibui rin au. Dingat nadi biduhui bingmai-bingmai gwai nok gi pima lewo dingon ngguk bibor.”

YOHANES 18:4

Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”

LUKAS 24:5

Sop nya idigit tut nindig bibor bikuk yonti ug ei dihyeisi mpe dino pinai cin ihig ser yok “Nggon rino jinggok No di niyaijo ei nimai nya ikieti i?

MATIUS 12:34

Je di jintun wou piet him e, bit bon jihyet di kei tibim kwei leu jingon di rom him kan bi. Lewo nihyet di tibim ei tungwatu nya yuhui him hagom kwei leu mun di ingon mpung tut.

DIUN MIMUN 6:1

“Na di sop ubbu ngat e, no di angon ngakei ug ei tiritou i? Ninyan ubbu e, no di angon ngakei ug ei tiritou i? Apai binye leu binhyepo nimpu na bininggok ser.”

LUKAS 2:44

Ikan bigya Yesus No srig nimpung nindig di ibit yoti. Gima rino imbut mem njap nitindur gom leu ug api inggok ser Noni ei ide bat nya kin yo di inttig tta nya ikieti.