YOHANES 20:1 - ALLAH NIHYET MEM TUNGWATU NYA

¹ Mben Yahudi ide las gom ttau su leu api Maria Magdalena ba mmun ngwa kin buug cem kep hak mihyeti bingat lo, tig mma son leu su ba, nimbou jo hak.

YOHANES 20:1 ပူးပေါင်းရင်းမြစ်များ

MATIUS 27:56

Yoni inyeng rino Maria Magdalena kin Maria di Yakobus Yusuf nya ipmem kin Zebedeus nipmot bat cin ipmem.

MATIUS 27:60

Leu lene noni kon ningut ei nide jui di noni tu ei tring behei di tig nimai eisi bigyo leu api rim tig mma nindig bibor bitas ser jui nuhui lene mbut leu.

MATIUS 27:64

Gima rino ma acuk ade tentara nya leu binhyepo igya ser jui dip kikau mem njap ningai leu binhyepo bit bon yo di igya kui Noni ikwei ket ningut hanyen leu jui nsi kan bi. Gi bi ne mbigom yoni mitri tut bipia Noni kiju hanyen leu nimai eisi tu. Gi nok lene niris bak tungwatu nya ei ningwigsi mikinei bibor dor njiriek niris yok gi nipou pima.”

MATIUS 27:66

Gima rino imbut biyuug ei jui dip lene iba lilin ngei kin kuk mbrei bikingkrai tig mma ser leu api ikes tentara nya bigya ser nhyema hi kwei nggek tut jui dip bi.

MATIUS 28:1

Njap nigwam kep ninghuisi ngwig leu su lene njap di hyep di nok mben Yahudi ide las gom lene Maria Magdalena kin Maria hiter iba njap bigyoti biyuug yok igyai kep jui dip.

MATIUS 28:2

Idrui sut gi dihyei mun brim kros nindig bibor ba, Tuhan de malaikat gom juk kwei leu gwamti leu api rim tig mma leu jui dip bigwam dip.

MARKUS 15:46

Leu api noni ug pek sre jep di iba minghas linen bibon leu api ug cug Yesus ningut lene ba sre dima binggai nimai ngut leu api kon bikes ei hak mihyeti di itu ei tring behei. Leu lene noni rim tig mma nindig bibor bitas ser jui nuhuigya.

MARKUS 16:9

Tirigi Yesus kiju hanyen leu nimai eisi ei mben Yahudi ide las gom mem njap bigyoti tu lene ndo Nonti bak Maria Magdalena. (Noni ne sop di Yesus jji ninnei rom muhwindacan leu ningonti nipou su ri.)

YOHANES 11:38

Yesus ningon ngguk hanyen bu leu api ug ei hak mihyeti. Iba tig mma nindig bibor binggam ser hak mihyeti dima nuhuigya.

YOHANES 11:41

Gima rino yo dima ison tig leu. Leu api Yesus tou kep kui gwamti lene ngat nadi bipai “Arig e, dipai sigyo biNa lewo amiap kep dihyet.

YOHANES 19:25

Yesus nipmem kin nipmem mien kin Maria di Klopas nitnem kin Maria Magdalena yahagom igya dideu Yesus de biei salib.

YOHANES 20:26

Ari gom bu lene yo di igya kui Yesus induk yam hanyen kwei ei ig bei lene Tomas cem gwam bit yok. Mpe dima cem ilit ser dimbou nya bingkiem noro Yesus ttau kros hak biya ei ikieti bipai biyok “Ma jingon jo nyahan.”

KISAH 20:7

Nahagom nidem yam mem mben Yahudi ide njap nigwam kep ninghuisi mem mmun leu binhyepo niyem njita bit yam. Paulus tri nihyet biyok buhuk nihyet kikau mmun mau lewo noni kos tut bipia kes yok bimbut leu yok ei njap di hyep bu.

KORINTUS GI NIGOM 16:2

Bikwop njap nigwam kep ninghuisi lene ma tungwagom-gom ba ninda boom mitiei ndrim hi leu mitiei nimangti di noni tug ndei bijo keyam bikum yam ei bipek njap di dihwousi. Leu binhyepo jimbus mitiei hi kin bu tirigi dihwousi bi.

NINGAT-HI-NGAT NYA 1:10

Allah Ninnei bie tut da mem njap nigwam ninghuisi. Ba, dimiap nihyet nindig bibor ei dinghim dip di nok pun mbrei nugwei bong di tibim.