YOHANES 2:24 - ALLAH NIHYET MEM TUNGWATU NYA

²⁴ Noro Yesus kan bidem tut tungwatu nya yahagom ingonti. Gima rino Noni ba ningon com yok bi.

YOHANES 2:24 ပူးပေါင်းရင်းမြစ်များ

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

MATIUS 9:4

Noro Yesus kan tut ingon kanti leu api hig singgre yok “Jikan-kan nyen mun di mbuk ei jingonti leu binggon i?

MARKUS 2:8

Lene Yesus kan tut ingon kanti leu api hig singgre yok “Jikan-kan nyen ei jingonti leu binggon i?

YOHANES 1:42

Leu api noni buwak Simon bikwei ngat Yesus. Yesus ngig niyai kep Simon lene pai bak “Anyeng Simon ba, acig ninyeng Yona. Noro hon kep ammani kui ne ijem anyeng Kefas bu.” (Ninyeng Kefas noyam kin ninyeng Petrus ba, ndo tut nungug tigya.)

YOHANES 16:30

binikan tut bipia akan bidem tut mun nyeng hagom. Gima rino suar tungwatu nya ihig ser Na tut mun nyeng hi bu bi. Gima rino nyeni ningon jo kep bipia akwei leu Allah.”

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 4:16

Yesus cuk noni “Aug hig ajjep ba, jahacem jikwei.”

YOHANES 5:42

Dikan tut jingonti bidikan tut bipia ningat ne jingon ngakei Allah bi.

YOHANES 6:15

Yesus kan tut bipia mbigom yo dima ibidip huk Noni mem gima ita Noni nok nibou ndig mem yok. Gima rino Noni kes yok ei ba, kui ug ei minu nungug tou mangti dima kou.

YOHANES 6:64

Mbro nok gima lo, jibou poi jiba jingon com Da bi.” (Habiei ei nimbie him ne Yesus kan tut yo di iba ingon com Noni bi kin no di mitri Noni.)

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 15:8

Ba, Allah di kan bidem tut mun di jo ei tungwatu ingon bei ndo brei binye bipia Noni singat tut ngkiai nya tirigi Noni bindei ba, Ninnei srek kwei ei yoni cem ingonti bit leu nok Noni srek kwei ei nyeni cem ingonti nipou su.

NINDAT KEP TUHAN NICUKTI NYA 31:21

Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”