YOHANES 2:22 - ALLAH NIHYET MEM TUNGWATU NYA

²² Yesus kiju hanyen leu nimai eisi ug api yo di igya kui Noni ingon huk niti tut gi pai sut Nonti ningut. Leu api ingon jo kep Allah nihyet bokti kin Yesus nihyet di tibim ei nuhui him cem.

YOHANES 2:22 ပူးပေါင်းရင်းမြစ်များ

MAZMUR 16:10

Leu mporo asindui sut ba, dinnei ug bisrig yo di imai nya ikieti bihigom bi ba, ace tut Ade awak di ningon gom ningut mikroi ei bi.

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 12:16

Mpe dima ne yo di igya kui Yesus ingon dorti tut mun di pek kep dima bi. Noro ei nidipti bu tirigi Yesus yai nikei-kau-keisi tug hon nikiju hanyenti ug api igyok ngon kep mun di yo dima ibibon bak Yesus di Allah nihyet bokti pai ei su.

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 16:4

Noro ditri tut dihyet dini bije nogindini leu binhyepo tirigi tto bou dem ba, hagom cut igkep je lene jiyok ngon kep bipia ditri tut hagom bije tu.” “Ditri tut mun dini yok bije ei nimbie him bi lewo dingat rin bit je yo.

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 2:17

Gima rino yo di igya kui Noni ikan kep Allah nihyet di pai “Allah e, dingon ngakei Ade Ig ba, gima dem kep nok hum di cig-cai ei dingonti.”

YOHANES 2:2

Nibou pesta sok nihyet mem Yesus kin yo di igya kui Noni cem bikwei ei pestati dima.

KISAH 11:16

Lene diyok ngon kep nihyet di Tuhan pai ‘Yohanes tur tungwatu nya ei minyeiti noro Allah mitur je ei Ninneiti.’

KISAH 13:33

lene Noni bindei ba, mun dima pek kep mem nye di intun yoni him tirigi Noni win Yesus hanyen leu nimai eisi. Lewo Srat Mazmur pasar can pai ‘Nani ne Dipmot ri. Njap di ammani ne Dani dinok Acigya.’