YOHANES 2:16 - ALLAH NIHYET MEM TUNGWATU NYA

¹⁶ Lene Noni pai bak nitri hakimoi cig nya “Ma jikon jide hakimoi nya leu mpia dini! Ma jibibon Dicig De Ig dini nok kios bousi au!”

YOHANES 2:16 ပူးပေါင်းရင်းမြစ်များ

YEREMIA 7:11

Jikan bipia Ditde Ig dini noyam kin hak mihyeti mem ninggimang kep mun cig nya iku yok nyahan eisi e? Dingat jiyai munti nya hagom bou diyai him tu.

MATIUS 21:12

Lene Yesus coi kikau ug ei Tuhan De Ig leu api jji nitri-nipek kep mun cig nya yahagom leu mpia dima. Noni njei bilen di iluei mitiei eisi kin yo di itri hakimoi nya ide bilen hagom ug ei ansan dip.

MATIUS 21:13

Noni pai biyok “Allah Nihyet pai bipia tungwatu nya itri tut bipia Ditde Ig rinok mpia di mem tungwatu nya ingat nadi eisi. Noro jibon ig dini nok hak mihyeti mem ninggimang kep mun cig nya iku yok eisi.”

MATIUS 22:5

Noro yahagom iba ingha bak awak dima yok ighyet ba, igyai kep ide midyai nya. Hi ug yai miai lene hi kau nide kios.

MARKUS 11:17

Leu api Noni ngginau yo di ingat rin ei sirima bipai “Allah nihyet pai bipia Allah pai ‘Tungwatu nya mipai sut Ditde Ig bipia ig dini ne gumihyep mem mben nya yahagom ingat nadi eisi. Noro jibon ig dini nok hak mihyeti mem ninggimang kep mun cig iku yok eisi.’ ”

LUKAS 2:49

Yesus buhup “Dicig dipmem jeni e, jinggok ser Da binggon i? Jikan tut bipia suar dingat rin ei Dicig Nide Ig bi e?”

YOHANES 10:29

Dicig di kes yok biDa bon ninyeng dor njiriek nindigsi nya. Bit bon hi pos yok leu Dicig di nyohou yok ninda nsi kan bi.

YOHANES 2:15

Gima rino Noni ba kuk di Noni kinding ba, ngot-ngot yam bingkiem bijji mindhe-ndhe bitut domba kin sapi hagom leu Tuhan De Ig binjei niluei mitiei cig nya ide bilen tut mitiei ba, mitiei hagom cut bigimahap bisrig yamti.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 5:17

Noro Yesus pai biyok “Dicig yai kep midyai nya kikau kwei bipek ammani kep ba, Dani cem diyai kep midyai nya.”

YOHANES 8:49

Noni buhup “Nung kui Da bi. Dikon Dicig ninyeng noro jipai Da kinei.

TIMOTIUS GI NIGOM 6:5

isibui ighyet ei yamti kikau buug hon nohonti bi cem. Yo dini intin kiek bikrau kep nihyet di nijit bu bi. Ikan bipia gino iba ingon com Kristus lene gima bindei ba, inyeng bibor.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.