YOHANES 2:11 - ALLAH NIHYET MEM TUNGWATU NYA

¹¹ Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 2:11 ပူးပေါင်းရင်းမြစ်များ

NIBOU NDIG NYA GI NIGOM 17:24

Lene kibom dima buhup “Jo nibreisi mem da bipia na di Andigpoi anok Allah de awak. Ningat ne Noni tri tut nihyet tug hon nani!”

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 96:3

Itri tut Nide nikei-kau-keisi bak ngkiai nya kin Nide mindur di nindig bibor nya bak tungwatu nya yahagom.

NEHEI LEUSI 14:31

Tirigi mben Israel ingat tuhan de nisindemti di nindig bibor di bindei ba, mben Mesir yahagom imai bingwig bou igyai him lene inga leu tut nindig bibor bittin tut Noni. Apino iba ingon com Noni kin Nide awak di Musa cem.

NEHEI LEUSI 4:9

Gino mindur ningat can dini mitot ingonti ba, iba ingon com nani bi ba, ikou sut nihyet di atri tut biyok lene atau minyei leu Minyei Nil leu api asiber ei dihyeisi. Apino minyei dima midem kep nok nggrom bu.”

NIBA NINGON SRIP HUKTI 9:7

Nnaba aba angon di llei biyem njita cem aba angon di nggei-hi-nggei bidut ndia ngei cem hak ug lewo Allah miwok na drek dip bi. Noro mijoi sut na.

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 1:43

Njapti kui bu lene Yesus kos tut ningon kanti mem gima ug ei hanjop Galilea. Noni ttau kep Filipus bipai binoni “Akwei bit Da.”

YOHANES 1:50

Yesus hig ser noni “Angon jo kep Da drek dip gi dipai sut na bipia dingat na tirigi agwam kui biei ara dima tu e? Mporo ma angat mun di bon ninyeng dor njiriek gima di mipek kep mem na bu yo!”

YOHANES 10:41

Tungwatu nya imang bibor induk yam kwei kep Noni bipai biyam “Yohanes bibon mindur hi bi noro nihyet hagom di noni tri tut No dini ne nijit ri.”

YOHANES 11:15

Noro dingon llei sut gima duug ngat noni bigyo lewo mun di pek kep dima kei bibor mem je bibindei ba, jiba jingon com Da. Jikwei ba, yuug ngat noni i!”

YOHANES 11:47

Gima rino Farisi nya kin imam nindig nya induk yam bit Nikei Puig Yahudi nindigsi nya ba, ihig yam ser “Nyeni inggon ndei i? No dima bibon mindur mang bibor tu!

YOHANES 12:18

Gima ribitig dino tungwatu ningot ndig dima ikwei um Yesus lewo imiap ninghapti tut bipia Noni ripo bibon mindur pima.

YOHANES 12:37

Mbro nok gino Noni bibon mindur mang bibor bou igyai him lo, ingon jo kep Noni bi.

YOHANES 12:41

Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.

YOHANES 14:13

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YOHANES 16:30

binikan tut bipia akan bidem tut mun nyeng hagom. Gima rino suar tungwatu nya ihig ser Na tut mun nyeng hi bu bi. Gima rino nyeni ningon jo kep bipia akwei leu Allah.”

YOHANES 2:1

Njap can bu lene tungwatu nya ibon pesta niwak yamti ei minu mien Kana ei hanjop Galilea. Yesus nipmem cem ningat rin ei pestati dima.

YOHANES 2:23

Tirigi Yesus sisip ningat rin ei minu ndig Yerusalem mem Njap Ndig Paskah lene tungwatu nya imang bibor ingon jo kep Noni lewo ingat mindur di Noni bibon nya bou igyai him.

YOHANES 3:2

Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

YOHANES 4:3

Tirigi Yesus kan tut bipia Farisi nya ikkin kep ninghapti lene Noni jo leu hanjop Yudea bingkwei hanyen ug ei hanjop Galilea.

YOHANES 4:46

Leu api Noni ngkwei hanyen buug ei minu mien Kana ei hanjop Galilea. Bibon jau minyei binok ba anggur ngei ei mpia ttou nsi dima. Mpe dima lene tungwagom di ya kui nibou ndig no rima ba, nipmot nggwen nindig ei minu ndig Kapernaum.

YOHANES 4:54

Gima ne mindur nican di Yesus bibon niabiati Noni jo leu hanjop Yudea bikwei krau hanjop Galilea hanyen tu ri.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

YOHANES 6:14

Tirigi tungwatu ningot ndig dima yok ingat mindur di Yesus bibon lene ipai biyam “Jit jit, No dini ne Nabi di ingon ya mem di mikwei ei dihyeisi dini pima ri.”

YOHANES 6:2

Noni kwei krau lene imang bibor ingwig kep Noni lewo ingat mindur di Noni bibon nya tirigi bindei ba, yo di inggwen ikei hanyen.

YOHANES 6:26

Yesus buhup “Dipai nijit bije bipia jinggok ser Da drek dip gi jingon dorti tut mindur di dibibon nya bi. Noro drek dip roti di jiyem bindei je pima.

YOHANES 6:30

Yo dima ibuhup “Andigpoi e, abon mindur leu binhyepo ningat bou niyai him ba, niba ningon com Na. Abon mindur mindei i?

YOHANES 7:31

Imang bibor sindi iba ingon com Noni bipai biyam “Mpe di Nibou Ndig di teu tungwatu nya biyai niyaijo nijep biyok kwei lene Noni mibon mindur mang bibor dor njiriek mindur di No dini bon kep dima yok e?”

YOHANES 9:16

Farisi nya ibou poi isimbot kep biyam “Jo nibreisi bipia No di bindei ba, no dini niyai da hanyen ntun Allah him bi lewo niyai munti dima bit nidimig sutti tut Njap Nigwam Kep Ninghuisi bi.” Noro hiter isrep “Notou no di bon sisar bon mindur dini i?” Lene isrep yam.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

NINDAT KEP TUHAN NICUKTI NYA 5:24

Ba, ipai ‘Ide tuhan Allah ndo tut Nide nisindemti di nindig bibor kin Nide nikei-kau-keisi tirigi nimiap nihyet di tibim kwei leu hum njengti. Njap di ammani nyeni ningat bou niyai him bipia mbro nok gino Allah mbrap bit tungwatu nya lo, igyaijo yo lene imai drek dip bi.

YOHANES GI NIGOM 5:13

Dipas kep srat dini bak je di jingon jo kep Allah Nipmot leu binhyepo jingon dorti tut bipia jiyai niyaijo nijep di jo kikau tu.