YOHANES 19:4 - ALLAH NIHYET MEM TUNGWATU NYA

⁴ Gima ngwig lene Pilatus hei ug ei nisai hanyen bipai bak yo di imang ndig dima “Jitou kep! Mbigom dihig Yesus hanyen kwei leu binhyepo jahagom jikan tut bipia dimbus ningonti tu lo, dikan tut mun di Noni yai tunggwei hi bi.”

YOHANES 19:4 ပူးပေါင်းရင်းမြစ်များ

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

MATIUS 27:24

Ningwigsi rino Pilatus kan tut bipia bit bon kimut ninda kep yok kan bi ba, mbigom yahagom iba imbuk ibigen ser noni ug ri. Gima rino noni tau minyei bipiap ninda ser ei yahagom igyai him bipai biyok “Dingon ngun. Midibiang nibuhunti tut No dini ninggrom bi noro jeni rino jibiang nibuhunti.”

MATIUS 27:4

bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

LUKAS 23:4

Lene Pilatus pai bak imam nindig nya kin yo di ningot ndig dima yok “Jo nibreisi bipia No dini yai mun tunggwei di dem mem gima dikes hukum ei Noni dip bi.”

LUKAS 23:41

Gima igbit mem sani. Lewo situg ndei hukum drek dip mun di siyai tunggwei. Noro No dini yai mun tunggwei hi bi!”

LUKAS 23:47

Tirigi nibou tentara ngat mun di pek kep dima hagom lene noni nggei sut Allah bipai “Jo nibreisi bipia No dini yai mun tunggwei hi bi!”

YOHANES 18:33

Pilatus ngkwei hanyen ug ei nide ig nibou ndig bihig Yesus coi kwei lene hig ser Noni “Nani ne Nibou Ndig mem mben Yahudi rin e?”

YOHANES 18:38

Pilatus hig ser Yesus “Mun mijit-jau dima rimindei i?” Lene Pilatus hei hanyen bipai bak mben Yahudi “Dimbus ningonti tu noro dikan tut Nide mun di yai tunggwei hi bi.

YOHANES 19:6

Tirigi imam nindig nya kin yo di igya ser ingat Yesus lene iba ighyet di ten bibuhup “Apek Noni kin biei salib hak ug o! Apek Noni kin biei salib hak ug o!” Pilatus pai biyok “Nnaba jibuwak Noni bijipek kin biei salib hak ug. Dimbus ningonti tu lo, dikan tut Nide mun di yai tunggwei hi bi.”

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.

PETRUS GI NIGOM 2:22

Noni bon sisar bi sren biris bak tungwatu nya bi sren.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.