YOHANES 19:29 - ALLAH NIHYET MEM TUNGWATU NYA

²⁹ Bokor di mpung tut ba anggur ngei di hyenha jo ei mpia ttou nsi dima. Gima rino hi tur aigmui mbom ei ba anggur ngeiti ba, hak ei pika hisopti lene su tut bingget Yesus nuhui ngkek.

YOHANES 19:29 ပူးပေါင်းရင်းမြစ်များ

MBEN ISRAEL IMBUT-MBUT NYEN 19:18

Gi nigom tut gino tungwa hi mai ei prak meng nsi lene suar hiter di nipuig kwes ug yai biei hisop pima nintam gom lene tur ei minyei dimati ba, bigimahap prak meng dima bitut mun nyeng hagom di joti kin tungwatu nya di ingat rin ei sirima cem. Gi nican tut gino tungwa hi ngget nimai ngut kin jui dip kin nimai njum nya lene suar hiter di nipuig kwes ba minyei bigimahap yok noyam kin gi pima cem.

LUKAS 23:36

Tentara nya cem iba ighyet bicig Noni. Ikwei su biei ngat ningei di hyenha biNoni bidut,

MARKUS 15:36

Tungwagom brim nimig bidor buug yai aigmui mbom tut ba anggur ngei di hyenha di joti kwei lene hak ei pikati bisu bak Yesus leu binhyepo muhun bipai “Itou kep Nabi Elia mikwei cug Noni leu biei salib.”

MATIUS 27:48

Tungwagom bipbur buug yai aigmui mbom tut ba anggur ngei di hyenha di joti kwei lene hak ei pikati bipi bisu bak Yesus leu binhyepo muhun.

NEHEI LEUSI 12:22

Lene juug yai minta hisop ningot gom kwei bijitur ei domba ninggrom di jo ei bokorti. Lene jibijos ig hyei cin ei jide dimbou hui kin biei njiti di jo nai dimbou hui dima cem. Lene ma jibihi hei ug ei nisai mem mmun dima bipek njap bigyokti au.

MAZMUR 51:7

Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.

MATIUS 27:34

Yuhug ba anggur ngei kin mun di mpo-mpam srigsi biNoni bidut ei sirima noro Noni piei mbigom lene bikou.

NIBOU NDIG NYA GI NIGOM 4:33

Salomo ne dem mem gima mbot kep tut biei ninyeng hagom kin ndia kioi di ita nya hagom bitut biei buom Libanon ug bipek mintu-minta hisop di ntun ngug tig nitta him nya cem. Mbrap igkei tut mindhe-ndhe nya kin ha ninyeng hagom kin mindhe di ba ninghop bisrei kin wau nya cem.

MATIUS 27:50

Leu api Yesus ba nihyet nindig bahara mbigom bu leu api ninnei kimbas.