YOHANES 19:28 - ALLAH NIHYET MEM TUNGWATU NYA

²⁸ Yesus kan tut bipia nogindini mun di hagom pek kep mem Noni tu. Noni pai “Dinggobiau.” Pai nok leu binhyepo mun di ipas ei Allah nihyet bokti mipek kep tug hon Noni.

YOHANES 19:28 ပူးပေါင်းရင်းမြစ်များ

MAZMUR 69:21

Ighyet di tigut da bindei bidingon tuam bicut leu su. Diyok dingon mem tungwatu di mingondut da nya kin yo di migwam ser dingon nya noro hi mpu da bi.

MAZMUR 22:15

Dinghuisi jet dem kep nok minyei di isiber ug ei dihyeiti. Dinjum tuti nya hagom pis ba, dingon dahat leu dem kep nok lilin ngei di jet bingwig.

YOHANES 19:30

Yesus muhun ba anggur ngei dima lene pai “Hagom put ei su!” Lene ndun bou ba, Ninnei kimbas.

LUKAS 22:37

Ma jingon jo kep bipia Allah Nihyet di pai ‘Ikwop Noni kin yo di ipigau hanjop nya’ midem igbit tug hon Da. Lewo ayat di ipas ei Allah Nihyetti di ndo igbit tut Da micut igkep Da mem nijam dini.”

YOHANES 19:24

Tentara dima ipai biyam “Ma ikos sinsun ndok di jei dini kukiau sut yam au. Noro jikwei ba, iko bibinggok tut no di mima sinsun dini.” Mun di ipai dima pek kep nok gi ipas ei Allah nihyet bokti, “Ikwas Ditde sinsun tut yam ba, iko bibinggok tut Ditde sinsun ndok di jei.” Lene tentara nya igyai igbit nipas kepti dima.

LUKAS 18:31

Yesus buwak ibou simnaibrimigcan dima ter bipai biyok “Jimiap e, nogindini ikui ug ei Yerusalem leu api mun di nabi nya ipas kep tut Munggwom Tungwatu Nipmot micut igkep Noni.

YOHANES 18:4

Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

KISAH 13:29

Niabiati yo dima igyai hagom bit leu nok Gi Preu Nitimiei bokti pai sut Nontiti tu lene icug ningut leu biei salib bitig ei hak mihyeti.

LUKAS 9:31

Nikei-kau-keisi leu gwamti piga yahacem. Yoni imbrap bit Yesus tut nimaisi di jei bi Noni mibindei mbut ei Yerusalem bit leu nok Allah ningon kanti mem Noni.

LUKAS 12:50

Ninghuisi wei nindig bibor micut igkep Da ei nidipti bu bidingon buhun tut kikau bibou cut igkep Da bingwig ug e!

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 17:4

Dindo Ade ninyeng jei biborti bak tungwatu dihyeisi dini tug hon midyai nya di akes biDa ba, hagom put tu.

YOHANES 19:36

Nidahat Yesus nimig bi dima pek kep nok gi ipas ei Allah nihyet bokti “Hi dahat ninjum gom bi.”