YOHANES 19:24 - ALLAH NIHYET MEM TUNGWATU NYA

²⁴ Tentara dima ipai biyam “Ma ikos sinsun ndok di jei dini kukiau sut yam au. Noro jikwei ba, iko bibinggok tut no di mima sinsun dini.” Mun di ipai dima pek kep nok gi ipas ei Allah nihyet bokti, “Ikwas Ditde sinsun tut yam ba, iko bibinggok tut Ditde sinsun ndok di jei.” Lene tentara nya igyai igbit nipas kepti dima.

YOHANES 19:24 ပူးပေါင်းရင်းမြစ်များ

MAZMUR 22:18

Dinjum nya hagom jo brei bou diyai him bidikwop nimangti. Ditde siceu nya imian huk da tereu nok mun di bindei bigyai ngkek ttin ser.

NEHEI LEUSI 28:32

Abien sinsun dima ninghas him ndam nikimam bingkiem bibor ser nhyepo nonti rik bi.

YESAYA 10:7

Noro nibou ndig Asyur tin ei ningon kanti binonti ba, joi sut ba nisibut biborti bibindei sar mben imang bibor,

MATIUS 27:35

Ipek Noni ei biei salibti leu api iko bibinggok tut gima ikwas Nide sinsun tut yam.

MARKUS 15:24

Leu api ipek Noni ei biei salibti lene iko bibinggok tut gima ikwas Nide sinsun tut yam.

LUKAS 23:34

Lene Yesus hara bipai “Arig e, akos ser ide sisar! Ikan tut mun di igyai dini bi.” Tentara nya iko bibinggok tut Yesus de sinsun bingwig leu lene ikwas Yesus de sinsun tut yam.

YOHANES 10:35

Ikan tut bipia nibokti di ipas ei Allah Nihyetti ne nijit di ug hon nohonti bi sren ri. Allah pai sut yo di ibit Nonti nihyet bipia yoni ne awak di Noni pai tes nya ri.

YOHANES 13:18

Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’

YOHANES 19:28

Yesus kan tut bipia nogindini mun di hagom pek kep mem Noni tu. Noni pai “Dinggobiau.” Pai nok leu binhyepo mun di ipas ei Allah nihyet bokti mipek kep tug hon Noni.

KISAH 13:27

Yesus ne No di teu tungwatu leu ide sisar biyai niyaijo nijep biyok ri. Noro timiei minu ndig Yerusalem kin ide nibou nya ikan tut bi. Yoni ingon dorti tut nabi nya ide ningginausi di ide nibou nya ikwop bikwop Njap Nigwam Kep Ninghuisi bi. Leu api ijem nimai gau Yesus. Tug hon nisinati dima lene ibindei ba, nihyet di nabi nya itri tut Yesus nipou su pima pek kep tug hon Noni.