YOHANES 18:37 - ALLAH NIHYET MEM TUNGWATU NYA

³⁷ Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 18:37 ပူးပေါင်းရင်းမြစ်များ

YOHANES 8:47

No di ntun Allah him ngig nitingou mem Allah nihyet. Noro jintun Allah him bi. Gima rino jingig jitingou mem dihyet bi.”

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

YOHANES 8:14

Yesus buhup “E bi. Mbro nok gino dimbrap gau Danti lo, dipaisi dima nijit lewo dikan tut dikwei leusi kin duug eisi cem. Noro jikan tut dikwei leusi kin duug eisi bi.

YOHANES GI NIGOM 3:19

Tug hon nisinati pima ne ingon dorti tut bipia igyaijo nok gom kin Allah nimunggwom bat di nijit nya ba, ingon jo nyahan ei Allah Noho bei.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YESAYA 55:4

Dita noni nok nibou ndig cem nibou pran cem bidindo Ditde nisindemti bak ngkiai nya ei dihyeisi dini tug hon noni.

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

TIMOTIUS GI NIGOM 6:13

Disok dihyet mem na ei Allah di yai niyaijo bak Nide nipai testi nya hagom niyai him kin Kristus Yesus di tri tut Nide niba ningon comti ei Pontius Pilatus noho bei bipia,

LUKAS 23:3

Lene Pilatus hig ser Yesus “Nani ne Nibou Ndig mem mben Yahudi rin e?” Yesus buhup “Bit leu nok apaisi dima.”

MARKUS 15:2

Pilatus hig ser Noni “Nani ne Nibou Ndig mem mben Yahudi rin e?” Yesus buhup “Bit leu nok apaisi dima.”

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES 3:32

Noni tri tut mun di Noni ngat bou niyai him bimiap ei nitingou nsi cem noro tungwatu nya ingon jo kep nihyet bi.

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

MATIUS 27:11

Tirigi Yesus ya ei Pilatus di nibou minu dima noho bei lene Pilatus hig ser Noni “Nani ne Nibou Ndig mem mben Yahudi rin e?” Leu api Yesus buhup “Bit leu nok apaisi dima.”

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.

NINGAT-HI-NGAT NYA 1:4

He disut bat je di jingat rin ei mbusyamei ningat muhwindacan ei hanjop Asia e, dani ne Yohanes ri. Handei kon ba, Allah singat tut je biyai jingon jo nyahan. Nipigo jeti dini leu Allah di ningat rin annani cem ammani cem di mikwei hanyen yo cem kin ninnei muhwindacan di igya ei Allah de banggo mbrei Noho bei,

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.

LUKAS 22:70

Yahagom ihig ser Noni “Apo Nani ne Allah Nipmot rin e?” Yesus buhup “Bit leu nok jipaisi dima.”

MARKUS 14:62

Yesus ce “Bit leu nok jipaisi dima. Mijingat Munggwom Tungwatu Nipmot di gwam kui Allah Di Sindem Bibor ninda com tirigi Noni kwei ei bumbuhuiti leu mpia-bbed him kwei ri!”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 8:45

Noro Dani ditri tut nihyet di nijit-jau. Leu gima rino jingon jo kep dihyet bi.

YOHANES 8:46

Tou leu jikieti di ndo ei nibreisi bipia dingon mui bidibon sisar ninyeng gom tu i? Gino ditri tut nihyet di nijit-jau lene nggon rino jingon jo kep Da bi i?

YOHANES GI NIGOM 2:21

Gima rino dipas kep srat dini bije drek dip jide ningon di mbum tut nihyet di nijitti bi. Noro dipas kep srat dini bije lewo jingon dorti tut nihyet di nijit. Ba, jikan tut bipia niris srig nihyet di nijitti bi.