YOHANES 18:35 - ALLAH NIHYET MEM TUNGWATU NYA

³⁵ Pilatus buhup “Akan bipia dani ne mben Yahudi rin e? Ade limwa nya kin imam nindig nya ikes Na ei dindati. Ayai mun tunggwei nok mindei i?”

YOHANES 18:35 ပူးပေါင်းရင်းမြစ်များ

KISAH 23:29

Noro jo nibreisi mem da bipia noni yai mun tunggwei di bindei ba, tug ndei nimai e, he sima ei ig bui nsi e, drek dip cem bi. Yo dima ipai kep noni drek dip ide Puig Yahudi niggai serti he.

KISAH 21:38

Dikan bigya nani ne mben Mesir gom po ham nimbuk kep nibou ndig Roma binang tut yo di imbuk bibor ibou sribu bitai bitut ide minggwen nya ug ei iggum ndigsi pima rin bi e?”

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

YOHANES 19:11

Yesus buhup “Gino Allah yai nisindemti dima bina bi lene bit bon angget Da kan bi. Gima rino no di kes Da ei andati bon sisar nindig bibor dor njiriek ade sisar.”

YOHANES 19:6

Tirigi imam nindig nya kin yo di igya ser ingat Yesus lene iba ighyet di ten bibuhup “Apek Noni kin biei salib hak ug o! Apek Noni kin biei salib hak ug o!” Pilatus pai biyok “Nnaba jibuwak Noni bijipek kin biei salib hak ug. Dimbus ningonti tu lo, dikan tut Nide mun di yai tunggwei hi bi.”

YOHANES 18:28

Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi.

NEHEMIA 4:2

Noni ya ei nisut bat nya kin tentara Samaria yahagom yoho bei bisimbot dat bipai “Mben Yahudi di isindem mem igyai midyai dini bi inggon i? Igyok ingon mem ikinding minu ndig dini bikei hanyen e? Ikan bipia isindem mem igyai hagom biput mem njap gom ngat gino ibon midut nindig mindhe-ndhe ei nimbar hum dokti e? Isindem mem iba tig di hum yem dini biprion nok ngug tig di bikrop ttai ide minu ndig e?”

EZRA 4:12

Nimbot kep biNa Di Anyeng Jei leu binhyepo akan tut bipia nogindini limwa Yahudi nya di imbut leu hanjop nsi nya ei anyeng tak kepti dima ikwei bibong timiei ei minu ndig Yerusalem hanyen bu tu. Inda jo kep niwin minu ndig di mpung tut yo di isibut di yaham imbuk kep Na Di Andigpoi hanyen cem. Ikinyon eisi ba, ikinding ngug tig hanyen tu. Ba, jei bi ne ikes inda tut midyai dima ri.

YOHANES 18:34

Yesus buhup “Ahig ser Da bit leu angon kanti e? He hiter pai sut Da bina e?”

YOHANES 18:36

Yesus buhup “Ditde ninyeng tak kepti jo ei dihyeisi dini bi. Gino jo ei dihyeisi dini ne Ditde limwa nya misindui sut Da bak mben Yahudi ide nibou nya bikat Da bi. Ningat ne Ditde ninyeng tak kepti jo ei dihyeisi dini bi.”