YOHANES 18:20 - ALLAH NIHYET MEM TUNGWATU NYA

²⁰ Yesus buhup “Ditri tut nihyet brei bak tungwatu nya yahagom ei biyati kin jide ig mbusyamei kin Tuhan De Ig di nok mpia di tungwatu nya yahagom induk yam kikep eisi cem. Diku mimun tut nihyet di ditri tut biyok bi sren.

YOHANES 18:20 ပူးပေါင်းရင်းမြစ်များ

YOHANES 7:26

Jingat i! Noni tri nihyet ei tungwatu nya igyai him noro nibou nya isrep huk Noni bi! Mpaba ikan tut bipia Noni ne Nibou Ndig di teu tungwatu nya biyai niyaijo nijep biyok rin e?

MATIUS 4:23

Yesus mbut nimig bidem hanjop Galilea hagom ba, ngginau mben Yahudi ei ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen ninyeng hagom ikei hanyen cem.

YESAYA 48:16

Jikwei bijidideu Da ba, jimiap kep dihyet. Dipai brei habiei leu nipou pima kwei su lene dibindei ba, Ditde nipaisi nya pek kep bijingat bou jiyai him kikau tu.” Nogindini tuhan Allah pinak da kwei biyai Nide nisindemti bida.

LUKAS 21:37

Yesus ngginau tungwatu nya ei Tuhan De Ig bikwop njap-njap leu api ngkwei hanyen ug ei Nungug Zaitun bibong ei mpia dima mem mmun.

YOHANES 7:4

Gino tungwagom joi sut ninyeng jei lene ku nide midyai nya bijo nding leu tungwatu nya igyai him bi. Abindei ba, tungwatu dihyeisi dini hagom ikan tut Ade midyai nya!” (

LUKAS 4:15

Noni ngginau tungwatu nya ei mben Yahudi ide ig mbusyameisi leu api yahagom inggei sut Noni.

MATIUS 26:55

Lene Yesus hig ser yo di ningot ndig dima “Jiba jide simeda kin biap tindak kwei bikat Da bit leu nok jikat no di sibut e? Apo digwam ei Tuhan De Ig biditri tut dihyet bikwop njap lo, jikat Da bi e?

MATIUS 9:35

Mpe dima lene Yesus mbut nimig bidem minu ndig kin minu mien nya hagom ba, ngginau tungwatu nya ei mben Yahudi ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen yahagom ikei hanyen cem.

YESAYA 45:19

Dimbrap ku bidiku mimun tut bi. Dicuk Ditde limwa di mben Israel ba, inggok ser Da mikui-kausi bi. Da di tuhan dihyet buhun biditri tut mun di nijit.”

YOHANES 8:26

Dipi bibou dimbrap tut mun nyeng mang bibor di bitut jeni ba, dipai kep je cem. Noro No di cuk Da kwei ningon sren-srau. Ditri tut nihyet di Noni sok ei Da dip hanyen bak tungwatu dihyeisi dini.”

YOHANES 8:2

Njap bigyoti di hyep bu lene Noni ngkwei hanyen kwei ei Tuhan De Ig. Tirigi tungwatu nya yahagom ingwig kep Noni lene Noni gwam jug ba, sindi ngginau yok.

YOHANES 7:28

Tirigi Yesus sisip ngginau kep yo dima ei Tuhan De Ig lene Noni ba nihyet nindig bipai biyok “Jikan tut Da e? Jikan tut ditimieisi e? Dikwei bit leu dingon kanti bi. No di ningon sren-srau cuk Da kwei. Jikan tut Noni bi,

YOHANES 7:14

Njap poi bu tirigi Njap Ndig Ig Jibei Mpam Meng ug ei nahacanti tu lene Yesus coi ug ei Tuhan De Ig ba, sindi ngginau tungwatu nya.

MATIUS 26:65

Pai nok rino Imam Nibou Ndig bisinggre birik nide sinsun bipai “Mei! No dini nihyet wer mpiahi tut Allah! Isuar yo di ikkin kep ninghapti bu bi. Nihyet di wer mpiahi tut Allah tibim ei jahagom jitingou nsi tu.

KISAH 26:26

Na di Nibou Ndig Agripa akan tut mun dini yok hagom tu. Gima rino dibrim dingkek kep na lewo dikan tut bipia nihyet di ditri tut dima hagom jo nibreisi mem na di Nibou Ndig. Mun di ditri tut dima hagom pek kep ei nidinditi bi.

MATIUS 24:26

Gino hi pai bije ‘Jingat i! No rima ei iggum ndigsi’ lene ma juug ei mpia dima au. Gino hi pai bije ‘Jingat i! Noni ku No ei nghim nsi dini’ lene ma jingon bit ighyet au.

MAZMUR 40:9

Allah e, dingon llei sut gi diyai igbit angon kanti mem da bidipwoi acuk Dati nya hagom ei dingonti.”

MAZMUR 22:22

Ateu da bidingwes ngun leu mindhe singa nya kin sapi banteng di niten-pos dini yok lewo dinghuisi jet.

MARKUS 8:32

Yesus pai gini hagom brei biyok leu api Petrus buwak Noni ter ba, kindi srep “Guru e, apai nok au.”

YOHANES 6:59

Yesus ba nihyet dini bingginau tungwatu nya ei mben Yahudi ide ig mbusyameisi ei minu ndig Kapernaum.

YOHANES 18:21

Nggon rino ahig ser Da i? Ma ahig ser yo di imiap kep dihyet. Ningat ne ikan tut nihyet di tibim ei duhui him.”