YOHANES 18:18 - ALLAH NIHYET MEM TUNGWATU NYA

¹⁸ Awak nya kin yo di igya ser nya idigok ba, indig hum binjeng leu api igya hek hum ei biyati dima. Gima rino Petrus cem ug srig yokti biya hek huma.

YOHANES 18:18 ပူးပေါင်းရင်းမြစ်များ

MARKUS 14:54

Petrus abia kep yok bitumbeu sut yok kikau ug bipek Imam Nibou Ndig de biyati. Noni coi ug ei biyati bigwam srig imam de limwa nyati hek hum.

YOHANES 18:25

Simon Petrus no ya niyati hek hum lene nindigsi nya ihig ser noni “Nani cem aya kui No dima e?” Noro Petrus om ser bipai “Dani ne bi.”

YOHANES 21:9

Tirigi ikwei krau mam bei lene ingat hum mbom di hi ndip wau nghui eisi kin roti.

MARKUS 14:67

Tirigi noni ngat lo, Petrus no gwam hek hum lene tou kep noni nggilun bipai “Nani cem aya kui Yesus leu Nazaret bi e?”

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

MAZMUR 1:1

Bikwop no di bit yo di isibut nya ide nipingok noti cem yai bram yo di ibon kep sisar nya igyai kepti bi tti kin yo di ighyet wer mpiahi tut Allah cem bi,

NITRITI 49:6

Tirigi yuhum yam nsi lene midisrig yokti bi. Tirigi igyok ingon gom lene dinnei minok gom kin yok bi. Lewo igga-gga wai apino ihwen tungwatu nya ugwai-gwai cem ba, itot sapi nya ikien cem ugwai-gwai.

KORINTUS GI NIGOM 15:33

Ma jikrau tunggwei puig au. Gino jiba je bipis yo di ibon mun hacican ikieti ne jei bi yahak igyai kepti dima ei jeti hanyen.

KISAH 4:23

Niabiati Nikei Puig Yahudi Nya ikes yok leu lene Petrus kin Yohanes ingkwei hanyen bingat isut bat yo di inggre kin mbusyamei nya bipui sut mun di imam kin nibou kintrorti nya icug yok tut.

NIBOU NDIG NYA GI NIGOM 19:9

Tirigi noni ug krau lene coi ug ei dihyei nyem gom bibong mmun gom ei sirima. Lene tuhan hig noni kros “Elia e, akwei nggon ei sirini i?”

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

YOHANES 18:3

Gima rino Yudas ug ei mpia dima bibuwak tentara Romawi nimpung gom kin yo di igya ser Tuhan De Ig ibou poi di imam nindig nya kin Farisi nya icuk yok kwei. Ba, yoni ittei ide singau simeda kin mini njeng ba, itin hyem.