YOHANES 17:8 - ALLAH NIHYET MEM TUNGWATU NYA

⁸ Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 17:8 ပူးပေါင်းရင်းမြစ်များ

NIPINGOK NINGONTI 1:23

Ma jingig jitingou mem ditde nisok kep jeti. Midihit dingon kanti nya brei bije bidikwas ditde nintin kimboti ndrim hi tut je.

NIPINGOK NINGONTI 1:3

Nipingok tungwatuti nya dini yok mipingok jingonti tut notou jiyai ningon kiti kin ningon kwes kin Allahti kin ningon srenti kin ningon gomti.

NIPINGOK NINGONTI 2:1

Dimunggwom na e, ma apwoi ditde ningginausi ei angonti. Ma angon prion ser ditde nipingok angonti nya au.

NIPINGOK NINGONTI 4:10

Dimunggwom na e, ma amiap kep dihyet! Ma angig atingou mem ditde nipingok nati mungkun kei leu api ade njap jei ei dihyeisi dini.

NIPINGOK NINGONTI 8:10

Ma jingat jingwes ei ditde nipingok jeti nindig bibor dor njiriek gi jingat jingwes ei perakti. Ma jingat jingwes ei ningon kiti nindig bibor dor njiriek gi jingat jingwes ei masti.

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

YOHANES 12:49

Lewo ditri tut nihyet bit leu dingon kanti bi. Noro Dicig di pinak Da kwei cuk Da tut mun di dipai hwou.

YOHANES 14:10

Filipus e, angon jo kep bipia dinok gom kin Dicig ba, Dicig cem nok gom kin Da bi e? Nihyet di ditri tut bije kwei leu dingon kanti bi. Dicig di nok gom kin Da bindei mbut Nonti nikos tutti.

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YOHANES 16:30

binikan tut bipia akan bidem tut mun nyeng hagom. Gima rino suar tungwatu nya ihig ser Na tut mun nyeng hi bu bi. Gima rino nyeni ningon jo kep bipia akwei leu Allah.”

YOHANES 17:14

Ditri tut ahyet bak yo di ibit Da apino tungwatu dihyeisi dini ingon mpo tut yok lewo inggre kin tungwatu dihyeisi dini bi. Gima bit leu nok Dani cem dinggre kin tungwatu dihyeisi dini bi.

YOHANES 17:18

Dipinak yok lene intek gimahap ug ei dihyeisi dini bit leu nok apinak Da kwei ei dihyeisi dini.

YOHANES 17:21

Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 3:17

Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 3:33

Tungwa tou rino ba ningon com nihyet di pai dima lene mipai ei nibreisi bipia Allah nihyet ne nihyet di nijit-jau ri.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

KORINTUS GI NIGOM 11:23

Lewo ningginau jeti dini kwei leu Tuhan Nonti. Himmun di no dima tri ide Tuhan Yesus ne Noni yai roti nindak gom,

KORINTUS GI NIGOM 15:1

Disut bat jen, nogindini dipus kiek jingonti tut Nihyet Di Kei di ditri bije nipou su. Jiyai nihyet dima bijipwoi ei jingonti lene jiba jingom com Kristus tug hon Nihyet Di Kei dima.

NINDAT KEP TUHAN NICUKTI NYA 18:18

Midipinak nabi gom leu ide mben di noyam kin nani ndam yok. Midisok dihyet tut dicuk yokti nya ei noni dip mem yoni leu binhyepo noni mitri tut dihyet hagom bak ade limwa nya yahagom.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.

NINGAT-HI-NGAT NYA 1:1

Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.