YOHANES 17:6 - ALLAH NIHYET MEM TUNGWATU NYA

⁶ Dibindei ba, yo di akes biDa ei dihyeisi dini ikan tut Na tu. Anyeng tak kep yok habiei leu api akes yok biDa. Yoni ibit ahyet tu ba,

YOHANES 17:6 ပူးပေါင်းရင်းမြစ်များ

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 22:22

Ateu da bidingwes ngun leu mindhe singa nya kin sapi banteng di niten-pos dini yok lewo dinghuisi jet.

NEHEI LEUSI 9:16

Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

NIPINGOK NINGONTI 2:10

Mporo akum ei ade ningon kiti leu api ade nintin kimboti mibindei ba, angon llei bibor.

NIPINGOK NINGONTI 23:23

Ma acom ahanggwap ba, abipek ningginausi di nijit-jau kin ningon kiti kin nintin kimboti kin ningon dor nititi hagom. Ma atri hanyen bu au. Lewo hagom bon ninyeng bibor.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 12:28

Arig e, akum ei Ade ninyeng jei biborti o!” Yesus pai nok rino nihyet gom tibim kwei leu gwamti bibuhup “Dikum ei Ditde ninyeng jei biborti tu ba, midibikum eisi hanyen bu.”

YOHANES 15:19

Gino jinok gom kin tungwatu dihyeisi dini lene ingon ngakei je lewo jinok yoni. Noro didimig je bijo ter leu tungwatu dihyeisi dini bijinggre kin yok bu bi. Yo dima ingon mpo tut je drek dip gi jinggre kin yok bu bi.

YOHANES 15:3

Dibindei ba, jipwoi tug hon ningginausi di ditri tut bije tu.

YOHANES 15:7

Gino jinok gom kin Da ba, dihyet jo ei jeniti lene ma jahara Da tut mun nyeng hagom bit leu jingon kanti leu api dibirop hanyen bije.

YOHANES 17:12

Tirigi digwam bit yok ne diba anyeng di sindem di ayai biDa binyohou yok apino ingwes ngun. Hi srawir bi. Noro no di suar srawir nongkom he. Suar noni srawir bit leu nok gi ipas kep ei Allah nihyetti.

YOHANES 17:14

Ditri tut ahyet bak yo di ibit Da apino tungwatu dihyeisi dini ingon mpo tut yok lewo inggre kin tungwatu dihyeisi dini bi. Gima bit leu nok Dani cem dinggre kin tungwatu dihyeisi dini bi.

YOHANES 17:16

Dinggre kin tungwatu dihyeisi dini bi lene yoni cem inggre kin tungwatu dihyeisi dini bi.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 17:7

tini bu ne ikan tut bipia ningat ne mun nyeng hagom di akwas tut Da kwei leu Nani habiei su.

YOHANES 18:9

Yesus pai nok leu binhyepo mun di Noni ngat nadi tindei yok pek kep mem yok tirigi pai “Arig e, dinyohou yo di Arig yai biDa leu api hi srawir bi.”)

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 6:39

No di cuk Da kwei ningon kanti rinok gini. Bikwop yo di Noni kes yok biDa lene hi mipror bi. Noro midiwin yok hanyen leu imai eisi ei Njap Ningwig Honti.

YOHANES 8:51

Dipai nijit bije bipia no di bit dihyet mai bu bi sren.”

YOHANES 8:52

Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren.

KISAH 13:48

Tirigi ngkiai nya imiap nihyet dima rino ingon llei bibor binggei sut Tuhan nihyet. Ba, bikwop yo di Allah dimig yok ei mem igyai niyaijo nijep yahagom ingon jo kep Yesus.

ROMA 11:2

Noni com Nide limwa nya di Noni dimig yok habiei kwei su hak bi. Jikan tut Allah Nihyet di pai sut Nabi Elia tirigi noni lua sok bak Allah tut mben Israel bipai,

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

2 TIMOTIUS GI NICAN 1:13

Suar abit nihyet di nijit di dipingok angonti tut tu. Ma akrau kep ade niba ningon com Kristusti kin ningon ngakei yamti di nyeni igyai tug hon ide ninok gom kin Kristus Yesus.

IBRANI 2:12

Noni ba mun di ipas ei Allah nihyetti bipai bak Allah “Miditri tut Na bak dikinjoi bat nya bidinggei sut Na ei yo di mbusyamei di idem yam ei nya yoho bei.”

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 2:13

Dikan tut bipia mpia di jibongti dima ne mpia di Bilis gwam ei nide banggo mbrei dip ri. Mbro nok gino yo di isibut nya ihwen Antipas di ningon gom di tri tut Nihyet Di Kei ei jide minu di nok Bilis nibousi dima lo, jiba jingon com Da kikau. Jibikep ser Da drek dip bi lewo jingon gom tut Da.

NINGAT-HI-NGAT NYA 3:10

Midinyohou je leu nijam di buhun bibor di mikieng kep dihyeisi dini hagom lewo jibit dicuk jeti nya bijiba jibou coi mem ninghuisi wei di cut igkep je. Nijam di buhun bibor dima mibingon tungwatu dihyeisi dini yahagom.

NINGAT-HI-NGAT NYA 3:8

Dikan tut jiyai munti nya. Dikan tut bipia jiyai nisindemti poi mien ba, jibit dingginau jeti bijingon gom tut Da. Dikau dimbou leu je ba, bit bon hi nggam mbou dima hanyen kan bi.