YOHANES 17:24 - ALLAH NIHYET MEM TUNGWATU NYA

²⁴ Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 17:24 ပူးပေါင်းရင်းမြစ်များ

NITRITI 45:13

Gima rino ma jipui sut ditde nisindemti nya ei minu Mesir dini bitut mun di jingat bou jiyai him hagom bak dicigya. Lene ma jibipbur ba, mijibuwak noni hanyai kwei.”

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 25:23

Lene niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 26:29

Ma jiyok ngon kep bipia mididut ba anggur ngei dini bu bi kikau bipek njap dino didut ba anggur ngei nijep bu bit je ei Dicig Ninyeng Tak Kepti.”

LUKAS 12:37

Gino iceu kwei hanyen bittau kep yok tirigi igyai ngkiem ba, itin ei cem tu lene yo dima ingon nggei-hi-nggei. Ma jiyok ngon kep bipia iceu mijuk nide sinsun ndok di jei leu no leu api sindui sut yok bigwam kui meja leu api mingei njita mem yok.

LUKAS 23:43

Yesus pai binoni “Dipreu ei mem na bipia ei njap di ammani angat rin bit Da ei nibreisi ei ginyo kug ug ri.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

YOHANES 15:9

Dingon ngakei je bit leu nok Dicig ningon ngakei Da. Ma jicom jigau ninghig-niker ei Dati leu binhyepo dingon ngakei je.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 17:22

Diyai ninyeng jei biborti biyok noyam kin ninyeng jei biborti di ayai biDa leu binhyepo yahagom inok gom kin yam bit leu nok sinok gom kin yam.

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 6:39

No di cuk Da kwei ningon kanti rinok gini. Bikwop yo di Noni kes yok biDa lene hi mipror bi. Noro midiwin yok hanyen leu imai eisi ei Njap Ningwig Honti.

YOHANES 8:58

Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

KORINTUS GI NICAN 5:8

Gima rino ingon nddong. Igyok ingon mem nituti tirigi ikes ingut dini ei leu binhyepo yuug bong bit Tuhan.

FILIPI 1:23

Lewo dingon kanti can brim da. Dimpig bou sut gima dikes diyaisi ei ba, duug gwam bit Yesus lewo gini kei bibor mem da.

TESALONIKA GI NIGOM 4:17

Leu api Allah mibuwak nye di igyaijo nya ba, yuum yo di ikiju bibie nya ei bumbuhuiti lene yahagom mikui biyuum Tuhan ei mpia-bbed him ba, yahagom migwam bit Noni bijo ninno bijo kikau.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

NINGAT-HI-NGAT NYA 21:22

Leu api dingat lo, Allah De Ig hi jo ei minu ndig dima bi. Lewo Allah Di Sindem Bibor kin Domba Pmot yonti ne Allah De Ig ri.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.