YOHANES 17:23 - ALLAH NIHYET MEM TUNGWATU NYA

²³ Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 17:23 ပူးပေါင်းရင်းမြစ်များ

YOHANES 10:38

Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 13:35

Tungwatu nya yahagom mikan tut bipia jiya kui Da gino jingon ngakei yam.”

YOHANES 14:10

Filipus e, angon jo kep bipia dinok gom kin Dicig ba, Dicig cem nok gom kin Da bi e? Nihyet di ditri tut bije kwei leu dingon kanti bi. Dicig di nok gom kin Da bindei mbut Nonti nikos tutti.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 15:9

Dingon ngakei je bit leu nok Dicig ningon ngakei Da. Ma jicom jigau ninghig-niker ei Dati leu binhyepo dingon ngakei je.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YOHANES 17:11

Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

YOHANES 17:21

Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 3:17

Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

FILIPI 3:15

Ma nye dino imahan ei ingonti kin innei yahagom ingon mien paisi noyam kin Nide ningon mien paisi. Lene gino bihi ingon mien paisi titer ne Allah mipingok gima bije bijingon dorti tut yo.

KOLOSE 1:28

Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

KOLOSE 3:14

Mun di bon ninyeng rino suar jingon ngakei yam lewo ningon ngakei yamti dima rino ngot jahagom kin yam leu binhyepo jibicim tindei yam nok gom.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 4:19

Ingon ngakei yam lewo Allah ningon ngakei nye bibie.

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.