YOHANES 17:21 - ALLAH NIHYET MEM TUNGWATU NYA

²¹ Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

YOHANES 17:21 ပူးပေါင်းရင်းမြစ်များ

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

ZEFANYA 3:9

Mpe dima kui midipai tes ngkiai nya dima ingonti leu api ingat nadi biDangkom he. Mpe dima lene igingat nadi bak nung nya bu bi. Noro ice tut bibit Dangkom ngat dihyet he.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

MARKUS 3:24

Gino mben hi ikwas yam ei nimpung can ba, ikon pran bit yam lene yoni imai bingwig hak ug ri.

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 10:30

Dicig kin Dani ninok gom kin yam.”

YOHANES 10:38

Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

YOHANES 13:32

Gino Allah yai nikei-kau-keisi tug hon Nipmot lene Allah Nonti ndo Nipmot nikei-kausi bak tungwatu nya. Ningat ne Allah ndo Nipmot nikei-kau-keisi biyok haninyai.

YOHANES 13:35

Tungwatu nya yahagom mikan tut bipia jiya kui Da gino jingon ngakei yam.”

YOHANES 17:11

Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

YOHANES 17:18

Dipinak yok lene intek gimahap ug ei dihyeisi dini bit leu nok apinak Da kwei ei dihyeisi dini.

YOHANES 17:20

Dingat nadi tindei yoni he bi noro bitut yo di hiter di ingon jo kep Da tug hon nihyet di yoni itri tut Da cem.

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 3:17

Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

KISAH 2:46

Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem.

KISAH 4:32

Yo di ingon jo kep nya yahagom ingon kin innei gom kin yam ba, hi drui kep nide mun di nyeng tut bi. Noro ibippiet hagom biyam.

ROMA 12:5

Nok gima tut nye di mbusyamei nya cem. Mbro nok gino imang bibor lo, ibicom yam nok gom kin Kristus ba, yahagom ibicim tindei yam nok gom lo, ibon nimbumbati di ter leu yam.

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

KORINTUS GI NIGOM 12:12

Kristus ningut noyam kin nye di tungwatu ingut di bon nimbumbati mang bibor. Mbro nok gino ingut bon nimbumbati mang bibor lo, hagom bicim tindei yam nok ningut gom ngat.

KORINTUS GI NIGOM 6:17

Noro tungwa tou rino nggre kin Kristus ne Kristus Ninnei kin noni ninnei yahacem inok gom.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

YOHANES GI NIGOM 5:7

Mun nyeng ningai di ingat gini bou igyai him bitri tut yo rinaha.