YOHANES 17:15 - ALLAH NIHYET MEM TUNGWATU NYA

¹⁵ Dahara Na leu binhyepo ateu yok leu dihyeisi dini bi. Noro ma anyohou yok leu binhyepo ingwes ngun leu Nisibut Cig.

YOHANES 17:15 ပူးပေါင်းရင်းမြစ်များ

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

MAZMUR 121:7

tuhan miya ser na leu binhyema mun di buhun bibor cut igkep na bi. Noni miteu na ba, angwes ngun apino ayaijo a.

MAZMUR 30:9

tuhan e, dahara Nani bidibidip huk Na Di tuhan. Dipai,

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YESAYA 57:1

Yo di isingat di ingon kwes imai ne hi dima ningon dorti tut biyok ngon kep yok bi. Mbro nok gino mun di kinei kieng kep minu bibor bibindei ba, ide nitok joti nya igyai nimai biyok lo, ingwes ngun leu mun di buhun ba, ibong kep inghuisi bibong nyahan.

MATIUS 5:37

Ma jice hak ‘I’ he lene ma jikou hak ‘Bi’ he. Lewo mun di jibikum bu hagom kwei leu Bilis.”

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

LUKAS 11:4

Ma akos ser mun di niyai tunggwei sut Na lewo nikos ser hiter ide mun di igyai tunggwei sut nye. Ma asindui sut ba, ningkwei hanyen tirigi nicut ei mun di srou nyeti au.’ ”

LUKAS 22:32

Noro Simon e, dingat nadi tindei na leu binhyepo ade niba ningon com Dati cut hacan bi. Tirigi angkwei hanyen ba, aya kui Da lene ma abiwin kep asut bat nya ingonti.”

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

TESALONIKA GI NICAN 3:3

Noro Tuhan ningon gom. Noni misindem tut je binyohou je leu No Di Ba Nitok Bak Allah.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

YOHANES GI NIGOM 5:19

Mbro nok gino No Di Ba Nitok Bak Allah ninyeng tak kep tungwatu dihyeisi dini yahagom lo, ingon dorti tut Allah di ninyeng tak kep nye.