YOHANES 17:13 - ALLAH NIHYET MEM TUNGWATU NYA

¹³ Jei bi ne dihwou ndam Na. Noro ditri tut dihyet dini hagom brei tirigi digwam ei dihyeisi dini leu binhyepo yo di ibit Da igyai Ditde ningon llei titut yam ei ingonti.

YOHANES 17:13 ပူးပေါင်းရင်းမြစ်များ

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

MAZMUR 126:5

Asindui sut ba, yo di iba igyai nggwei kibor bindim njita ngan ei miaisi pima iba nimbos-hi-mbosti bipuk njita ningat di kei hanyen kwei.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 15:11

Ditri tut mun dini hagom bije leu binhyepo dingon llei biborti coi ug ei jingonti bibindei ba, jingon llei biborti kei-kau.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 17:11

Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

YOHANES 7:33

Yesus pai bak tungwatu ningot ndig di ingat rin ei Tuhan De Ig “Digwam bit je jei bi. Leu api dingkwei hanyen ndam No di cuk Da kwei ug ri.

KISAH 13:52

Yo di sindi ingon jo kep Tuhan ei minu ndig Antiokhia ingon llei bibor ba, igyai nisindemti leu Allah Ninnei cem.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

YOHANES GI NIGOM 1:4

Nipas kep srat dini leu binhyepo yahagom igyai nillei titut ei ingonti.

YOHANES GI NICAN 1:12

Dipi bidipui kep bina tut mun nyeng mang bibor bu noro dingon hukti bipia dipas kep tut ei srat diniti bi. Diyok dingon mem nituti di dihwou cem kep na leu binhyepo simbrap bit yam tut lene gima mibindei ba, sillei ngwig ei singonti.