YOHANES 17:12 - ALLAH NIHYET MEM TUNGWATU NYA

¹² Tirigi digwam bit yok ne diba anyeng di sindem di ayai biDa binyohou yok apino ingwes ngun. Hi srawir bi. Noro no di suar srawir nongkom he. Suar noni srawir bit leu nok gi ipas kep ei Allah nihyetti.

YOHANES 17:12 ပူးပေါင်းရင်းမြစ်များ

MAZMUR 41:9

Ipai biyam “Nggwen buhun bibor. Bit bon noni kiju hanyen kan bi.”

YOHANES 13:18

Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’

YOHANES 17:6

Dibindei ba, yo di akes biDa ei dihyeisi dini ikan tut Na tu. Anyeng tak kep yok habiei leu api akes yok biDa. Yoni ibit ahyet tu ba,

YOHANES 18:9

Yesus pai nok leu binhyepo mun di Noni ngat nadi tindei yok pek kep mem yok tirigi pai “Arig e, dinyohou yo di Arig yai biDa leu api hi srawir bi.”)

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

KISAH 1:25

leu binhyepo noni yai midyai dem kep nok no di ya kui Nani biya luei Yudas di kes nye ei buug ei mpia nimai nya ide tu nohoti.”

FILIPI 2:9

Gima rino Allah win Yesus hanyen bikon ninyeng jei bibor dor njiriek ninyeng nindigsi nya biyai nisindemti di nindig bibor dor njiriek nisindemti nindigsi nya biNoni.

TESALONIKA GI NICAN 2:3

Mbro nok gima lo, ma jisindui sut yo di hiter ba, iris bije au. Lewo Njap dima nicunti mittau kep nye bi bibou nijam di tungwatu nya yaham imbuk kep Allah ningwigsi mipek kep nipou ug e. Mpe dima ne No Di Ba Nitok Bak Allah mittau kwei lo, Allah mibindei timek no dima ei hum njengti.

IBRANI 2:13

Yesus pai bu “Midiba dingon com Allah” bipai bu “Dingat rin ba, munggwom di Allah yai biDa nya yo rinaha bit Da.”

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

NINGAT-HI-NGAT NYA 19:12

Niyai njeng-jau nok hum ba, Noni ttin topi mas mang bibor. Srat bokti tut ninyeng hi jo ei Noni dip lo, Nongkom kan tut ninyeng mimun dima.