YOHANES 17:11 - ALLAH NIHYET MEM TUNGWATU NYA

¹¹ Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

YOHANES 17:11 ပူးပေါင်းရင်းမြစ်များ

MAZMUR 79:9

Niteu kep nye biningwes ngun cig e, ampu nye ba, akos ser nyende sisar cem. Lene akwek nye leu binhyepo ngkiai nya mikuk yok biNa drek dip anyeng di jei.

NIPINGOK NINGONTI 18:10

tuhan dem kep nok ig di bon ninggre di jo-jo yam dip di inang coi. Yo di ingon sren nya igwam coi ig dima bingwes ngun leu ide siceu nya indati.

YESAYA 27:3

Da di tuhan rino no di ya ser ba anggur nghousi dima bidiprok bikwop nituti hagom. Diya ser bikwop mmun njap leu binhyepo hi bindei ba, kinei bi.

YESAYA 64:2

dem kep nok hum di cig-cai biyem biei bibindei ba, minyei kiak ei yengti. Akwei ndo Ade nisindemti bak Ade siceu nya bibou inghuisi mpig sut Na ei Aho bei ug e.

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

YEREMIA 14:7

Ditde limwa nya yahara Da bipai ‘tuhan e, mbro nok gino nyeni ningon hukti tut nyende sisar lo, ma ampu nye bit leu nok apreu ei mem nye tu. Niba ninghim bak Nani mbirimang ba, nibon sisar tut Nani cem tu.

YEHEZKIEL 20:22

Noro diyai nok gi ditin ei mem yokti dima bi ser nhyema ngkiai nya di ingat gi dibuwak mben Israel kwei leu minu Mesir ipai dinyeng kinei bi.

YEHEZKIEL 20:44

Mpe dino dibibon je nok gima mem gima dibicuon Ditde ninyeng jeisi ba, dibibon je bit leu jiyai munti di suwok kin jibon munti di kinei bibor nya bi ne mijikan tut bipia Dani ne tuhan ri. Da di tuhan Di Dinyeng Jei Bibor disimbot dat tu.”

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 17:6

Dibindei ba, yo di akes biDa ei dihyeisi dini ikan tut Na tu. Anyeng tak kep yok habiei leu api akes yok biDa. Yoni ibit ahyet tu ba,

YOHANES 7:33

Yesus pai bak tungwatu ningot ndig di ingat rin ei Tuhan De Ig “Digwam bit je jei bi. Leu api dingkwei hanyen ndam No di cuk Da kwei ug ri.

KISAH 3:21

Suar Yesus gwam nyahan ei gwamti bibou jam dem mem gima Allah pai tes mun di hagom nijep-jau bu ug e. Gima hagom bit leu nok nihyet di Noni tri tut tug hon Nide nabi di ingon kwes-kwau nya mimbrek ngan tu.

ROMA 12:5

Nok gima tut nye di mbusyamei nya cem. Mbro nok gino imang bibor lo, ibicom yam nok gom kin Kristus ba, yahagom ibicim tindei yam nok gom lo, ibon nimbumbati di ter leu yam.

ROMA 9:17

Lewo Allah Nihyet pai sut Allah di pai bak nibou ndig minu Mesir “Dita nani nok nibou ndig bit leu dingon kanti gom ngat he. Dindo Ditde nisindemti bina leu binhyepo tungwatu nya mitri tut dinyeng jeisi kikau ug bipek minu nohon keti.”

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

EFESUS 4:4

Ibicom yam nok ningut gom ngat he. Allah Ninnei cem gom ngat he. Ba, Allah dimig je ei leu binhyepo jiyok jingon mem mun nyeng gom ngat he.

FILIPI 2:9

Gima rino Allah win Yesus hanyen bikon ninyeng jei bibor dor njiriek ninyeng nindigsi nya biyai nisindemti di nindig bibor dor njiriek nisindemti nindigsi nya biNoni.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

YOHANES GI NIGOM 3:12

Ma igyai bram Kain niyaisi au. Noni jem niceu bit Bilis bikimukep nikinjoi. Nggon rino Kain kimukep noni i? Lewo Kain yai mun tunggwei noro nikinjoi yai mun igbit.

YOHANES GI NIGOM 5:19

Mbro nok gino No Di Ba Nitok Bak Allah ninyeng tak kep tungwatu dihyeisi dini yahagom lo, ingon dorti tut Allah di ninyeng tak kep nye.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

NINGAT-HI-NGAT NYA 15:4

Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”

NINGAT-HI-NGAT NYA 19:12

Niyai njeng-jau nok hum ba, Noni ttin topi mas mang bibor. Srat bokti tut ninyeng hi jo ei Noni dip lo, Nongkom kan tut ninyeng mimun dima.

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”