YOHANES 16:33 - ALLAH NIHYET MEM TUNGWATU NYA

³³ Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 16:33 ပူးပေါင်းရင်းမြစ်များ

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES GI NIGOM 5:4

Bikwop Allah nimunggwom bat nya yahagom igyai nisindemti mem ibindei cut mun di ntun dihyeisi dini him. Ibindei cut mun di ntun dihyeisi dini him tug hon ide niba ningon com Yesus Kristusti.

TESALONIKA GI NICAN 3:16

Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.

YOHANES GI NIGOM 4:4

Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.

FILIPI 4:7

Gima mibiyai ningon di jo nyahan di kwei leu Allah di bit bon tungwatu nya ingon dorti tut kan bi ya bingkiem ser jingonti kin jibou ngwakti di nok gom kin Kristus Yesus.

PETRUS GI NIGOM 5:9

Ma jiba jide niba ningon com Yesus Kristusti di nddong kei bihwen bit noni lewo jikan tut bipia jisut bat yo di ingon jo kep nya bidem dihyei nisurti-nipekti hagom igyai ninghuisi di wei noyam kin jeni.

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

2 TIMOTIUS GI NICAN 3:12

Jo nibreisi bipia yo di ijoi sut gima igyai mun bit leu Allah ningon kanti mem yok ba, inok gom kin Kristus Yesus cem migyai ninghuisi wei leu yo di ihwen bit yok lo,

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.

IBRANI 11:25

Noni kos tut bipia gi yai ninghuisi wei bit Allah de limwa nya bon ninyeng bidor njiriek gi ngat ningwes ei sisarti mem nijam di jei bi.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

TESALONIKA GI NIGOM 3:7

Gima rino disut bat jen, mbro nok gino tungwatu nya ihwen bit nye biwaisi nye cem lo, ningon nggan-triot lewo nikan tut bipia jiba jingon com Allah kikau lene gima biwin kep ningonti,

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

KORINTUS GI NICAN 1:3

Jikwei ba, inggei sut Allah dino ide Tuhan Yesus Kristus nicigya. Noni ne Arig di ningon nggriu sut nye kin Allah di biwin kep nye di tungwatu nya ingonti ri.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

TESALONIKA GI NIGOM 3:4

Mpe di ningat rin bit je nipou su ne nipai bije bipia tungwatu nya mihwen bit nye ri. Lene gima igbit rin lewo jei bi lene ninghuisi wei dima cut igkep nye.

GALATIA 6:14

Noro tut dani ne dibrim dihyet ei ide Tuhan Yesus Kristus nimai ei biei salibti he. Lewo Yesus nimai ei biei salibti bindei ba, dihyeisi dini bon ninyeng mem da bu bi. Ba, dindo dimai eisi bak mun di ntun dihyeisi dini him.

KORINTUS GI NICAN 7:4

Diba dingon com je nindig bibor bidingon llei sut je! Mbro nok gino mun di buhun bibor cut igkep da lo, jibiwin kep dingonti. Gima rino dingon llei bibor!

KISAH 27:25

Gima rino Andigpoi jen, nna ba jibiwin kep yam ngonti lewo diba dingon com Allah nipai bidati hagom ba, mipek kep mem nye bit leu nok nipreu ei mem dati.

MIKHA 5:5

Nibou dima yok miba minggwen di nggwen-gwau biyai nimai bak mben Asyur leu api iteu nye leu indati.

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

YOHANES 12:31

Tto bou dem mem Allah pai kep tungwatu dihyeisi dini tu. Tto bou dem mem Allah com no di ninyeng tak kep tungwatu dihyeisi dini leu.

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

KISAH 27:22

Noro nogindini ditigtai je. Ma jibiwin kep yam ngonti! Lewo jigom mipror bi noro kibar nongkom misar minyei jou leu nye.

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

IBRANI 7:2

Leu api Abraham kwas mun di pos leu nibou ndig nya gom leu ningot gom lene nok tut Melkisedek. (Ninyeng Melkisedek nibimbiti pai “Nibou Ndig di ninyeng tak kep Ningon Srenti” rin ba, ninyeng hi bu rino “Nibou Ndig di ninyeng tak kep Ningon Jo Nyahanti” lewo noni ne nibou ndig ei minu ndig Salem ri.)

YOHANES 16:11

Yoni ingon kiowi tut hukum di micut igkep yok lewo Allah pai kep no di ninyeng tak kep tungwatu dihyeisi hagom tu.

MATIUS 9:2

Tungwatu nya ibou poi di ittei lat tut no di las hwen gom ikwei ndam Yesus ei mpia dima. Tirigi Yesus ngat lo, iba ingon com Noni bibor lene pai bak no di las hwen “He mot de ug o, dwai! Dikos ser ade sisar.”

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

KORINTUS GI NICAN 4:7

Noro mun di bitut ninnei di kei-kau-kei dima jo nyahan ei ingonti noyam kin mun di jo ei dibijigsi. Tug hon nisinati dima ne jo nibreisi bipia nyeni imbun nisindemti di sindem bibor nya bi noro Allah Nongkom rininyeng tak kep.

KORINTUS GI NICAN 6:4

Noro nindo bindo bipia ninok Allah de awak nya tug hon niyai munti nya hagom. Lewo mun nyeng hagom di buhun cut igkep nye tu noro ningon nddong kikau.

YOHANES GI NIGOM 2:13

Je di andigpoi di jibon jimunggwom bat nya e, dipas kep srat dini bije lewo jingon dorti tut No di ningat rin habiei ei nimbie him kikau kwei bipek ammani kep mungkun tu. Pinjoi pilei jen, dipas kep srat dini bije lewo jibindei cut No Di Sibut tu.

NIJAM NIKEI NYA 3:2

tuhan ba nisinati dima bingginau mben Israel ide nintun him yamti di bram yam nya tut nikon pranti lewo igikon pran bit ide siceu di nipou nya bi sren.