YOHANES 16:32 - ALLAH NIHYET MEM TUNGWATU NYA

³² Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

YOHANES 16:32 ပူးပေါင်းရင်းမြစ်များ

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 26:31

Lene Yesus pai biyok “Himmun di ariman ne jahagom mijinang bijikes Da ei ri. Bit leu nok Allah Nihyet pai ‘Dani midiyai nimai bak gembala dima leu api domba nya mintek gimahap.’

MATIUS 26:56

Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.” Leu api yo di igya kui Yesus yahagom ikes Noni binang leu.

MARKUS 14:27

Leu api Yesus pai biyok “Himmun di ariman ne jahagom mijinang leu Da bijikes Da ei ri. Bit leu nok Allah nihyet pai ‘Allah miyai nimai bak no di gembala leu api domba nya mintek gimahap.’

MARKUS 14:50

Yo di igya kui Noni yahagom ikes Noni ei binang leu.

YOHANES 12:23

Yesus pai biyok “Tto bou dem mem Munggwom Tungwatu Nipmot yai nikei-kau-keisi tu.

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

YOHANES 16:25

“Diba nihyet nibiti nindati bitri tut dihyet dini bije. Noro ei nidipti bu ne midiba nihyet nibiti nindati bitri tut dihyet bu bi noro miditri tut Dicig brei bije.

YOHANES 16:31

Yesus buhup “Ningat ne jingon jo kep Da nogondini e?

YOHANES 19:27

Leu api Yesus pai bak no di ya kui Noni dima “Noni ne apmem ri.” Hon kep njap dima kui lene no dima nyohou Yesus nipmem ba, cigit noni kui igya.

YOHANES 20:10

Leu api yo cin di igya kui Yesus dima ingkwei hanyen ug ei ig bei.

YOHANES 4:21

Yesus pai binoni “Ma ayok ngon kep bipia ei nidipti bu ne tungwatu nya mikuk yok bak Icig Allah ei mpia ttou nsi dini kin minu ndig Yerusalem cem bu bi.

YOHANES 4:23

Tungwatu nya iba Allah Ninnei de nisindemti bibikuk yo bak Icig di nok Allah di nijit-jau mem nijam di nidipti bu kin nijam dini cem lewo Noni joi sut yo di iba ingon gom bibikuk yok biNoni.

YOHANES 5:25

Ma jiyok ngon kep bipia nituti dem tu ba, mpe dima kwei bu cem yo di imai nya imiap Allah Nipmot nihyet. Leu api yo di imiap nihyet igyai niyaijo nijep.

YOHANES 5:28

Ma jinga leu tirigi jimiap tut gini au. Mpe dima kwei bu ne yo di imai nya yahagom imiap Noni nihyet,

YOHANES 8:16

Gino dimbus ingonti ne Ditde nimbus ingonti igbit rin lewo diya biDangkom bi noro Dicig di cuk Da kwei cem No ya tut Da ba.

YOHANES 8:29

No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”

KISAH 21:6

Nahagom nipigo yam lene nibri kibar hanyen lo, yo dima ingkwei hanyen ug ei ide ig bei.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.