YOHANES 16:30 - ALLAH NIHYET MEM TUNGWATU NYA

³⁰ binikan tut bipia akan bidem tut mun nyeng hagom. Gima rino suar tungwatu nya ihig ser Na tut mun nyeng hi bu bi. Gima rino nyeni ningon jo kep bipia akwei leu Allah.”

YOHANES 16:30 ပူးပေါင်းရင်းမြစ်များ

NIBOU NDIG NYA GI NIGOM 17:24

Lene kibom dima buhup “Jo nibreisi mem da bipia na di Andigpoi anok Allah de awak. Ningat ne Noni tri tut nihyet tug hon nani!”

YOHANES 16:17

Yo di igya kui Yesus ibou poi ihig yam ser “Ingon kiowi tut nipai binyeti bipia jei bi ne mingat Noni bu bi leu api njap poi kin bu lene mingat Noni hanyen bu. Ingon kiowi tut nipai binyeti bipia Noni ngkwei hanyen ug ei Nicig nidim.”

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

YOHANES 16:26

Njap dima dem ne mijahara Dicig tug hon dinyeng lene jisuar Da mem dahara Dicig mem je bu bi.

YOHANES 16:31

Yesus buhup “Ningat ne jingon jo kep Da nogondini e?

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 5:20

Lewo Nicig ningon ngakei Nipmot ba, ndo Nide midyai nya hagom brei biNoni. Lene gima he bi lewo Nicig mindo midyai nindig bibor bu bak Nipmot apino jahagom mijinga leu sut.

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.