YOHANES 16:3 - ALLAH NIHYET MEM TUNGWATU NYA

³ Yo dima ibibon je nok lewo ikan igbit tut Dicig kin Dani cem bi.

YOHANES 16:3 ပူးပေါင်းရင်းမြစ်များ

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 15:21

Yoni ibibon je nok gima drek dip gi jibit Da lewo ikan tut No di cuk Da kwei bi.

YOHANES 15:23

No di ningon mpo tut Da ningon mpo tut Dicig cem.

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 8:19

Ihig ser Noni “Acig No hantou i?” Noni buhup “Ningat ne jikan tut Da igbit bi bijikan tut Dicig cem igbit bi. Gino jikan tut Da tu lene jikan tut Dicig cem.”

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

KISAH 3:17

He disut bat jen, dikan tut bipia mun di jeni kin jide nibou nya jibindei ba, cut igkep Yesus dima ne jiba jingon tindur bindei yo.

KORINTUS GI NIGOM 2:8

Nisindemti nya di inyeng tak kep dihyeisi mem nijam dini ikan tut ningon di ki di nijit-jau dini bi. Leu gino ikan tut ne jo nibreisi bipia ipek Tuhan di kei-kau-kei kin biei salib bi.

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

TIMOTIUS GI NIGOM 1:13

Mbro nok gino dikucang Noni ba, dihwen bit Noni bidihyet tigut Noni nipou su lo, Noni singat tut da lewo kan bipia dingon tindur ba, dikan tut diyai munti nya dima bi.

YOHANES GI NIGOM 2:23

No di rok Nipmot rok Nicig cem. No di cigit Nipmot ei ningonti cigit nicig cem.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 4:8

No di ningon ngakei Allah kin tungwatu nya bi ningon dorti tut Allah bi lewo Allah ne nibousi mem ningon ngakei yamti ri.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.