YOHANES 16:24 - ALLAH NIHYET MEM TUNGWATU NYA

²⁴ Leu nimbie him kikau kwei bipek ammani kep jahara Da tut mun nyeng hi tug hon dinyeng bigyo. Ma jahara Da leu api jiyai mun dima leu binhyepo jiyai nillei titut yam ei jingonti.”

YOHANES 16:24 ပူးပေါင်းရင်းမြစ်များ

NITRITI 32:9

Lene noni ngat nadi bipai “Dignyon Abraham kin dicig Ishak ide Allah e, amiap dihyet! Na di tuhan acuk da bipia dingkwei hanyen ug ei ditimieisi bidibong bit dide bat nya hanyen bu leu api ma anyohou dimig mun di hagom nok gi kei bibor mem da.

NIBOU NDIG NYA GI NIGOM 18:36

Tirigi jam dem mem mben Israel ibon midut mpia caisi bit leu nok igyai kepti lene Nabi Elia kwei ya kui nimbar dima bingat nadi “tuhan Allah di Abraham kin Ishak kin Yakub ikuk yok bak e, ma ando bindo brei ei yo dini yahagom igyai him bipia anyeng tak kep mben Israel ba, dinok ade awak biditin ei mun dini yok hagom bit leu nok acuk dati cem.

NIBOU NDIG NYA GI NICAN 19:15

Lene noni ngat nadi bipai “tuhan di nok Allah mem nye di mben Israel e, agwam ei Ade banggo mbrei dip nai njiriek kerub nya. Nangkom ne Allah rin ba, anyeng tak kep nibou ndig nya bidem dihyeisi dini hagom. Apai tes dihyeisi dini kin mpia-bbed him cem.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

YOHANES 14:14

Mun nyeng dino jahara Da tut tug hon dinyeng lene midibirop hanyen bije.”

YOHANES 15:11

Ditri tut mun dini hagom bije leu binhyepo dingon llei biborti coi ug ei jingonti bibindei ba, jingon llei biborti kei-kau.

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

TESALONIKA GI NICAN 1:2

Handei kon ba, Icig Allah kin Tuhan Yesus Kristus isingat tut je ba, ibiyai jingon jo nyahan.

YOHANES GI NICAN 1:12

Dipi bidipui kep bina tut mun nyeng mang bibor bu noro dingon hukti bipia dipas kep tut ei srat diniti bi. Diyok dingon mem nituti di dihwou cem kep na leu binhyepo simbrap bit yam tut lene gima mibindei ba, sillei ngwig ei singonti.