YOHANES 16:21 - ALLAH NIHYET MEM TUNGWATU NYA

²¹ Bit leu nok sop di tta buhun ba, dideu nigwam tut munggwomti lene ningon buhun lewo tto bou dem mem ninghim dut. Noro tirigi srek tut munggwom leu su lene ningon prion ser nide ningon buhunti lewo ningon llei sut munggwom di noni srek tut ei dihyeisi dini.

YOHANES 16:21 ပူးပေါင်းရင်းမြစ်များ

NITRITI 3:16

Lene Noni pai bak no di sop “Tirigi atta buhun lene midibindei ba, anghuisi wei nindig bibor. Tirigi agwam tut amunggwom bat nya lene midibindei ba, anghim dut nindig bibor. Mbro nok gima lo, bit bon aom angut kanti leu ajjep kan bi noro aba abou coi mem noni nihyet hak.”

AYUB 11:16

Mpe dima lene ade ninghuisi wei dini mipren hanyen leu abou ngwakti ba, noyam kin minyei di su bisri hanyen apino tungwatu nya igiyok ngon kep gima bu bi.

MAZMUR 113:9

Noni bindei ba, sop wak cam di pijet yai nimunggwom bat nya apino ningon nggei-hi-nggei bininyeng jei ei nide ig. Ma jinggei sut tuhan!

YESAYA 13:8

Nittin biborti micut igkep yo dima yahagom. Yahara inghuisi di wei noyam kin sop di ninghim dut di bigwam tut nimunggwom. Yoni miba ingon di digit bitou kep yam yaisi ba, iimaisi hai lewo igwam nimmaiti.

YESAYA 21:3

Ningat-hi-ngat dima bindei bidingon tai-tai bou ba, digingat mpia cem digimiap nihyet gom cem bu bi. Nittinti kin ninggwenti hwen da bidinoyam kin sop di sindi gwam tut nimunggwom.

YESAYA 66:7

Ditde minu ndig di kwes-kwau dem kep sop gom di srek tut nimunggwom nipou tirigi ninghim dut tut nimunggwom ba, ningkek kan ninghim di dut tut nimunggwom di misrek tut bigyo.

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

MIKHA 4:9

Nggon rino jipim nggruet i? Nggon rino jinghuisi wei noyam kin sop di ninghim dut tut munggwom i? Gima hagom nok lewo jibon jide nibou ndig di bie tut je bi ba, yo di ipingok kep jingonti yahagom imai bingwig leu je tu e?

GALATIA 4:27

Bit leu nok gi ipas ei Allah nihyetti, “Na di sop di apijet yo e, ma angon llei bibor ug. Na di sop di anghim dut tut munggwom hi bi e, ma aba angon di kei bibor bimbos ug! Lewo sop di nijjep kes noni ei srek tut nimunggwom bat nya imang bibor dor tunggwei sop di nijjep kes noni ei bi sren.”

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.