YOHANES 16:20 - ALLAH NIHYET MEM TUNGWATU NYA

²⁰ Ma jiyok ngon kep bipia mijipim bijiyai nggwei kibor cem noro tungwatu dihyeisi hagom ingon llei bibor. Jingon buhun noro jei bi lene jingon llei bibor hanyen bu.

YOHANES 16:20 ပူးပေါင်းရင်းမြစ်များ

AYUB 20:5

no di sibut ningon nggei-hi-nggeisi jo jei bi. No di miap nihyet bi cem ningon keisi jo jei bi noro dem kep niyai mpau di bingmai he.

MAZMUR 30:11

tuhan e, amiap kep dihyet ba, angondut dani cem leu api ampu da o!”

MAZMUR 30:5

Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

MAZMUR 97:11

Nipigati piga mem yo di ingon sren ba, ningon di llei piga mem yo di ingon kwes.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YEREMIA 31:25

Midibindei ba, yo di inghuisi jet nya inghuisi sindem hanyen ba, yo di inghuisi mbris drek dip ninggum di hwen yok migyem njita bigyai nisindemti bu.

MATIUS 21:38

Noro tirigi yo dima ingat igbit nipmot di kwei dima rino yuhum yam nsi bipai ‘No dima ne nipmot ri. Noni miba nokep mun di jo bak nicig hagom. Jikwei ba, ihwen noni leu binhyepo iba nyekep ba anggur nghousi dini.’

MATIUS 5:4

Bikwop yo di ingon ngguk bibor nya ingon nggei-hi-nggei lewo Allah migwam ser ingona!

MARKUS 14:72

Hammi tirigi pai nok rino hacig yau nimbican ba, Petrus yok ngon kep Yesus nisok kepti pima di pai “Himmun di ariman tirigino hacig yau mbican bigyo lene aom ser Da mbiningai bipia akan tut Da bi ug ri.” Apino noni pim biniyai nggwei kibor.

MARKUS 16:10

Gima rino Maria Magdalena ug tri tut Yesus nittau kep noti bak yo di igya kui Noni tirigi ingon ngguk tut nimai bigyai nggwei kibor.

LUKAS 22:45

Tirigi Noni ngat nadi bingwig leu lene ngkwei hanyen ndam yo di igya kui Noni bingat lo, ibong mai leu su lewo ingon ngguk bibor.

LUKAS 22:62

Gima rino Petrus om no leu biyati bipim biniyai nggwei kibor.

LUKAS 23:27

Tungwatu ningot ndig ijop bram Yesus bitut sop nya di igya srig yokti di ipim ba, ingon ngguk bibor cem.

LUKAS 24:17

Lene Noni hig ser yok “Jisimbot kep biyam tut mindei ei puig sinon dini i?” Yo cin iba ingwak di mbriu biya igyati kin ingon di buhun.

LUKAS 24:21

Noro nikan bigya Noni mikwek nye di mben Israel ba, niyati kwes hanyen! Lene gima he bi lewo mun dima cut igkep Noni acan ba, njap di ammani ne dem njap ningai su.

LUKAS 6:21

Bikwop yo di inggum mem nijam dini ingon nggei-hi-nggei lewo jei bi ne inghop mimpung tut njita! Bikwop yo di ipim mem nijam dini ingon nggei-hi-nggei lewo jei bi ne igyai nillei!

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 16:6

Ningat ne jingon ngguk bibor nogindini lewo ditri tut mun dima bije.

YOHANES 20:20

Tirigi pai nok rino Noni ndo ninda kin nikimbu dip biyok. Yo dima ingat Noni lene yahagom ingon llei bibor.

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

TESALONIKA GI NIGOM 1:6

Jiyai bram nyeni niyaisi kin Tuhan cem niyaisi. Mbro nok gino tungwatu nya ihwen bit je lo, jiba jingon di llei biya um Nihyet Di Kei di nitri tut bije. Ningon di llei dima nibousi rino Allah Ninnei di pingok ei jingonti.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

NINGAT-HI-NGAT NYA 11:10

Leu api tungwatu dihyeisi dini hagom ingon llei bibor drek dip nabi cin dima imaisi. Yoni mibon pesta bidek midek biyam drek dip nabi cin dima di ibindei ba, tungwatu dihyeisi dini yahagom itug ndei inghuisi wei nindig bibor.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’