YOHANES 16:2 - ALLAH NIHYET MEM TUNGWATU NYA

² Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

YOHANES 16:2 ပူးပေါင်းရင်းမြစ်များ

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

DANIEL 11:33

Yo di ingon ki nya di ibie tut ide limwa nya ibindei ba, imang bibor ingon dor niti. Noro yo di ingon ki ibou poi igyai nimai ei pranti kin hum di yem yok tut igyaisi cem ba, siceu nya ipos ibou poi ide mun di ima nya leu yok lene ibindei sima yok.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

MATIUS 24:9

Lene nibou di isindem nya mikat je ba, ihwen bit je bikimukep je. Tungwatu nya yahagom mingon mpo tut je drek dip gi jibit Da.

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

YOHANES 12:42

Mbro nok gima lo, mben Yahudi bitut ide nibou nya imang bibor iba ingon com Yesus noro imbot kep tut brei bi. Leu gino ipai brei lene Farisi nya icom yok leu mben Yahudi ide mbusyamei.

YOHANES 16:25

“Diba nihyet nibiti nindati bitri tut dihyet dini bije. Noro ei nidipti bu ne midiba nihyet nibiti nindati bitri tut dihyet bu bi noro miditri tut Dicig brei bije.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

YOHANES 4:21

Yesus pai binoni “Ma ayok ngon kep bipia ei nidipti bu ne tungwatu nya mikuk yok bak Icig Allah ei mpia ttou nsi dini kin minu ndig Yerusalem cem bu bi.

YOHANES 4:23

Tungwatu nya iba Allah Ninnei de nisindemti bibikuk yo bak Icig di nok Allah di nijit-jau mem nijam di nidipti bu kin nijam dini cem lewo Noni joi sut yo di iba ingon gom bibikuk yok biNoni.

YOHANES 9:22

Nicig-nipmem nya ibuhup nok lewo idigit tut nibou mben Yahudi nya di igyok ingon gom tut bikwop no di mbot kep tut bipia ningon jo kep Yesus nok Nibou Ndig di teu tungwatu nya biyai niyaijo nijep biyok lene micom noni leu yo di inggre kin mben Yahudi ide mbusyamei.

YOHANES 9:34

Apino nibou nya ibuhup “Mbenjen! Abon kep sisar habiei leu apmem nisrek tut nati kikau kwei bipek ammani kep leu api abingon mem gima angginau nyeni e?” Hon kep njap dima kui ne icom noni leu yo di inggre kin mben Yahudi ide mbusyamei.

KISAH 5:33

Tirigi Nikei Puig Yahudi Nya imiap ibuhupti dima rino ingon sibui sut yok nindig bibor bipi bihwen yok hak ug.

KISAH 7:56

Noni hara “Jingat i! Dimbou gwamti kau leu ba, Munggwom Tungwatu Nipmot ya kui Allah ninda com!”

KORINTUS GI NIGOM 4:13

gino ikkin kep nyeni ninghapti lene niba ningon di nggriu birop hanyen biyok. Ibibon nye noyam kin mumpiang dihyeisi dini. Nyeni ne nggruau ei tungwatu nya igyai him nipou kwei bipek ammani kep.

FILIPI 3:6

Diba ningon di yat nai bita dibou ei nihwen bit yo di mbusyameiti. Gino iba Puig Yahudi niggai serti nya binai diyai kepti nya ne jo nibreisi mem yok bipia disingat kei lewo dipigau hanjop hi bi.

NINGAT-HI-NGAT NYA 6:9

Domba Pmot cug biei nggrai gi nimuhwi leu lene dingat yo di ingon gom di igyai nimai drek dip gi itri tut Allah nihyet innei a. Ba, dingat ninnei nya di ibicom yam ei nimbar hum ndok nikiou.

NIJAM NIKEI NYA 6:30

Lene icuk Yoas bipai “Apmot nggek Baal de nimbar hum dok ba, rop kwar nisop Asyera di ikuk nye bak de cou biei di jo simiak nimbar hum dok bingwig su. Leu gima rino ma abuwak noni kwei ei nisai dini leu binhyepo niyai nimai binoni drek dip niyai munti dima.”