YOHANES 16:13 - ALLAH NIHYET MEM TUNGWATU NYA

¹³ Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

YOHANES 16:13 ပူးပေါင်းရင်းမြစ်များ

YESAYA 11:2

tuhan ninnei micoi ug ei ningonti leu binhyepo ningon ki. Nintin kimbo cem ba, nikos tutti nya hagom mipek kep mem tungwatu nya. Noni miba ningon com Allah bikuk no ei Noho bei.

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

YOHANES 12:49

Lewo ditri tut nihyet bit leu dingon kanti bi. Noro Dicig di pinak Da kwei cuk Da tut mun di dipai hwou.

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 16:12

Dipi bidimbot kep tut dingon kanti mang bibor nogindini bije bu noro dikan bipia jibou ngwakti sibui sut tu.

YOHANES 3:32

Noni tri tut mun di Noni ngat bou niyai him bimiap ei nitingou nsi cem noro tungwatu nya ingon jo kep nihyet bi.

YOHANES 8:38

Ditri tut mun di Dicig ndo biDa noro jeni rino jiyai midyai bit leu nok jicig nicuk jeti.”

KISAH 11:28

Nabi Agabus cem ningat rin bit yok. Noni kiju biya lene ba nisindemti leu Allah Ninnei bimbot kep tut ninggum nindig bibor di mikieng kep dihyei nisurti-nipekti. (Ba, nimbot kepti dima cut igkep tungwatu nya ei mpe dino Klaudius nok nibou ndig mem yok.)

KISAH 20:23

Noro dikan tut bipia tirigi diya bidem minu ndig nya ne Allah Ninnei sok kep da ngkiem bipia midisima ei ig bui nsi ba, ninghuisi wei micut igkep da cem.

KISAH 27:24

pai bida ‘Paulus e, ma angon digit tut au! Mporo ma aya ei Kaisar Roma noho bei. Allah nisingat tut nati mibindei ba, yo di kibar nsi yahagom ingwes ngun drek dip nani yo.’

TESALONIKA GI NICAN 2:12

Ningwigsi rino yo di iba yoho rok sisar kin yo di iba ingon com nihyet di nijit bi yahagom mitug ndei hukum.

TESALONIKA GI NICAN 2:3

Mbro nok gima lo, ma jisindui sut yo di hiter ba, iris bije au. Lewo Njap dima nicunti mittau kep nye bi bibou nijam di tungwatu nya yaham imbuk kep Allah ningwigsi mipek kep nipou ug e. Mpe dima ne No Di Ba Nitok Bak Allah mittau kwei lo, Allah mibindei timek no dima ei hum njengti.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

YOHANES GI NIGOM 2:20

Noro jiyai Allah Ninnei di Yesus Kristus kes nyahan ei jingonti tu gima rino jahagom jingon dorti tut nihyet di nijit.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

YOHANES GI NIGOM 5:6

No di srek kwei ei dihyeisi dini ne Yesus Kristus rin ba, Noni kwei yai nitur No ei minyeiti ba, ninggrom siber tug hon nimaisi cem. Noni kwei sut minyei he bi noro kwei sut minyei kin ninggrom. Allah Ninnei ngat gini bou niyai him bitri tut bipia hagom ne nijit rin lewo Noni ris bi sren.

NINGAT-HI-NGAT NYA 1:1

Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.

NINGAT-HI-NGAT NYA 1:19

Gima rino ma apas kep mun di angat bou ayai him bitut mun di angat mem nijam dini kin mun di mipek kep ei nidipti bu.