YOHANES 15:6 - ALLAH NIHYET MEM TUNGWATU NYA

⁶ No di nyohou miai ba anggur nghousi misriot no di com nigau ninghig-niker ei Dati bi noyam kin gi noni sriot biei nda leu apino mui. Noni mimbus ninda dima hagom keyam bindig kep huma.

YOHANES 15:6 ပူးပေါင်းရင်းမြစ်များ

SAMUEL GI NICAN 23:7

Suar iba biei kin ngkimom nitu bikam cibou nggwen dima. Gi bi lene ingget ba, ikrau cem bi. Nok gima cem yo di igwam Allah ninghim pima mitug ndei hum di yem yok bingwig.

AYUB 15:30

Miningwes ngun leu nidinditi di dindi-kai bi. Hum miyem nide njita kioi bingwig. Noni misar tug hon ninnei di hei kwei leu Allah ninsi.

MAZMUR 80:15

Allah Di Sindem Bibor e, akwei mpu nye hanyen. Angig ayai kep nye leu gwamti ma kwei ba, ateu nye leu nyende siceu nya.

YESAYA 14:19

Noro mem nani ne ajui hi bi. Icom angut hak noyam kin njita kioi di irok ei a. Ibinjei nikon pran cig di imai ei pranti kep angut ba, ibinjei angut bit yoni ingut ug ei tig mihyeti gom bidem kep nimbiam di ico-co nyen kep.

YESAYA 27:10

Minu ndig di bon tentara nibousi di igya coi nya dem kep mpia di ha he bong hak tu. Ba, ikes bijo hak bidem kep iggum ndigsi di tungwatu ibong bi pimo. Mindhe-ndhe nimuhup tu nya itat minta bibong nyahan kep inghuisi cem ei sirima. Ba, ibitot biei meng bingwig leu nimbrinap nya.

YEHEZKIEL 17:9

Leu api Da di tuhan Di Dinyeng Jei Bibor dihig ser bipia ba anggur dima hei bingun-ngau cem binindig nut ug e? Ha krubri gi nigom pima mohom tut nigau nya cem mikikam ningat cem midahat ninda nya lene misindui sut biei anggur dima bimbriong bi e? Ningat ne isuar tungwatu imang bibor bitut ide nisindemti kin mben di mimbri kui ingkek mem gima yohom ba anggur dima tut nigau nya bi.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 27:5

Yudas com mitiei pima bigimahap ei Tuhan De Ig leu api ug leu lene ba kuk bisrou nikimam bimai.

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

MATIUS 7:19

Bikwop biei di ngat ningat di kinei ne niceu wim bindig kep hum.

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

IBRANI 10:27

Gi jo mem nyeni rino hukum di mikwei leu Allah tirigi ningon sibui sut yo di isrep tut Noni apino Nide hum miyem yok bingwig!

PETRUS GI NICAN 2:20

Gino tungwatu nya ingwes ngun leu mun di kinei di srou yok ei dihyeisi dini tug hon gi ingon dorti tut ide Tuhan Yesus Kristus di teu nye leu sisar biyai niyaijo nijep binye ningon kanti lo, ingkwei kep mun di kinei di srou yok dima hanyen bu lene puig di ikak ei niabiati kinei bibor dor njiriek puig di ikak ei nibieti.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”