YOHANES 15:5 - ALLAH NIHYET MEM TUNGWATU NYA

⁵ Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

YOHANES 15:5 ပူးပေါင်းရင်းမြစ်များ

NIPINGOK NINGONTI 11:30

tuhan cuon no di ningon kwes kei niyaisi. No di ningon ki bindei ba, nindigsi nya induk yam bibit bong.

HOSEA 4:8

Mun di jinyeng tut dima kum eisi bu tug hon Ditde limwa nya ide sisar di ibon nya. Gima rino gino ibon sisar kwop ne jijoi sut igyai munti dima.

MATIUS 13:21

Noro nihyet com nigau ug ei ingonti bi apino ingon nddong bi. Tirigi mun di kinei cut igkep yok ba, hiter hwen bit yok drek dip nihyet lene jei bi ingkwei hanyen.

YOHANES 12:24

Dipai nijit bipia gino tungwagom ndim gandum ningan ba, mai ei dihyeiti bi lene ningan dima gom ngat he. Noro gino noni ndim ningan dima ba, dem kep nok mai ei dihyeiti lene ningat mang bibor ntun him.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

YOHANES 5:19

Yesus buhup yo dima ighyet nok gini. “Dipai nijit bije bipia bit bon Allah Nipmot yai kep midyai bit leu Nonti ningon kanti kan bi noro tou kep Nicig biyai bram Nicig niyaisi. Lewo Nipmot yai kep midyai dem kep nok Nicig niyai kepti nya.

YOHANES 9:33

Gino No dima ntun Allah him bi ne bit bon Noni bibon mindur cem kan bi.”

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

ROMA 12:5

Nok gima tut nye di mbusyamei nya cem. Mbro nok gino imang bibor lo, ibicom yam nok gom kin Kristus ba, yahagom ibicim tindei yam nok gom lo, ibon nimbumbati di ter leu yam.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 7:4

Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.

KORINTUS GI NIGOM 10:16

Idut ei gi mokti di biei ngat ningei joti ba, ipai sigyo kep ne igyai munti dima ndo bipia ipriet kin Yesus ninggrom. Igyem roti di iki kukiau lene igyai munti dima ndo bipia inok gom kin Yesus ningut.

KORINTUS GI NIGOM 12:12

Kristus ningut noyam kin nye di tungwatu ingut di bon nimbumbati mang bibor. Mbro nok gino ingut bon nimbumbati mang bibor lo, hagom bicim tindei yam nok ningut gom ngat.

KORINTUS GI NIGOM 12:27

Jahagom sok yam ne Kristus ningut rin ba, bikwop tungwagom-gom noyam kin nimbumbati di nggre kin ningut.

KORINTUS GI NICAN 13:8

Lewo bit bon nyende niyai munti ninyeng gom bindei timek nihyet di nijit-jau kan bi. Suar nibit nihyet di nijit-jau.

KORINTUS GI NICAN 9:10

Allah tin ei njita ngan mem no di yai miai kin njita di igyem cem. Noni mitin ei njita ngan di jisuar mem jide miai ngoisi hagom cem leu api mibindei ba, ningat mang bibor ntun him. Tug hon nisinati dima ne Noni bindei ba, ningat mang bibor ntun jide ningondut yamti him.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

EFESUS 5:9

Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

FILIPI 4:17

Ningat ne ditindei kep tungwatu nya indati tut mun di bahati tut da bi. Noro dingon llei sut gi jibikum ei jimuhupti.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

PETRUS GI NIGOM 2:4

Gima rino ma jikwei tti kin Noni lewo Noni ne tig di niyaijo ri. Ningot kep ig cig nya ikou sut tig dima noro Allah dimig tig dima ei lewo kan tut bipia bon ninyeng mem ig nikiou.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus