YOHANES 15:4 - ALLAH NIHYET MEM TUNGWATU NYA

⁴ Ma jicom jigau ninghig-niker ei Dati lene Dani cem dicom digau ninghig-niker ei jeti. Bit bon ningat ntun ninda him tug hon nonti kan bi. Gino ninda tug ninjem lene ngat ningat ri. Nok gima mem jeni cem. Gino jicom jigau ninghig-niker ei Dati bi lene bit bon jingat ningat kan bi.

YOHANES 15:4 ပူးပေါင်းရင်းမြစ်များ

DIUN MIMUN 8:5

“Tou rikwei leu iggum ndigsi dima di nide ningon kieti ingou yam dima i?” “Diwin na leu abongti ei biei apel ngat behei mpia di apmem tta buhun tut na di srek tut na eisi ri.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

MATIUS 12:33

“Gino jinyohou biei njem nok gi kei lene ningat di kei ntun him. Gino jinyohou biei njem nok gi kei bi lene ningat di kinei ntun him. Jikan tut biei njem nya hagom tug hon ningat di ntun him.

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

YOHANES 8:31

Gima rino Yesus pai bak mben Yahudi di iba ingon com Noni “Gino jibit Ditde ningginausi lene jeni ne yo di itti kin Da nijit-jau ri.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KORINTUS GI NICAN 13:5

Ma jibinai yam ngonti leu binhyepo jinggok tut gino jiyai munti nya ntun jide niba ningon com Kristusti him! Jikan tut mungkun bipia Kristus Yesus ningat rin ei jingonti e? Gi bi ne jingon jo kep Noni mungkun bi.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

TESALONIKA GI NIGOM 3:5

Leu api gi mbun doom kep dingonti bu kan bi. Gima rino dipinak Timotius hwou ngat je leu binhyepo ngig niyai kep jide niba ningon com Yesus Kristusti. Lewo dikrau dingon tut je gino jicut bak Bilis lene gima bindei ba, nicom nahanggwap tut je mikui-kausi e?

IBRANI 10:39

Ibicom yam bit yo di ingkwei hanyen di israwir nya bi. Noro iba ingon com Allah apino igyai niteu leu sisarti kin niyaijo nijep.

YOHANES GI NIGOM 2:6

No di pai sut nonti bipia niyaijo nok gom kin Allah lene ma noni yai bram Yesus Kristus niyai kepti.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.