YOHANES 15:27 - ALLAH NIHYET MEM TUNGWATU NYA

²⁷ Jeni cem ma jitri tut Da lewo jiya kui Da leu nimbie him kwei bipek ammani kep tu.”

YOHANES 15:27 ပူးပေါင်းရင်းမြစ်များ

MARKUS 1:1

Gini ne Nihyet Di Kei tut Yesus Kristus di Allah Nipmot ri.

LUKAS 24:48

Jingat mun di pek kep dima yok hagom bou jiyai him tu.

YOHANES 19:35

No di ngat mun di pek kep dima bou niyai him mbot kep tut bije leu binhyepo jeni cem jingon jo kep. Mun di noni mbot kep tut bije ne mijit-jau rin ba, noni kan tut mungkun bipia mun dima hagom cut igkep Yesus.

YOHANES 21:24

No dima miap kep nihyet tut nipek kepti dima bipas kep hagom tu. Nikan tut bipia mun di noni pai ei nuhui him hagom nijit-jau.

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

KISAH 13:31

Leu api Yesus ndo Nonti brei bak yo di ibit Noni ei hanjop Galilea ug ei minu ndig Yerusalem mem njap mang bibor. Nogindini yo dima itri tut kep bak mben Israel bipia ingat Yesus Nonti bou igyai him tu.

KISAH 18:5

Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

KISAH 4:20

Lewo bit bon nikimut nuhui leu mun di ningat bou niyai him binimiap ei nitingou nsi cem kan bi.”

KISAH 4:33

Yo di igya kui Yesus igyai nisindemti nindig bibor mem gima itri tut Tuhan Yesus nikiju hanyenti di yoni ingat bou igyai him. Gima rino Allah singat tut yok nindig bibor.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.

NINGAT-HI-NGAT NYA 1:2

Leu api Yohanes tri tut mun di noni ngat bou niyai him nya hagom. Nipas kepti dini hagom pai sut Allah nicuk nyeti kin nihyet di nijit di Yesus Kristus mbot kep tut.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.